Беларуская аўтамабільная асацыяцыя (БАА) апублікавала статыстыку продажу новых легкавых аўтамабіляў за чэрвень і першае паўгоддзе 2023 года.
У чэрвені 2023 года ў параўнанні з папярэднім месяцам аб'ём продажу новых легкавых аўтамабіляў вырас амаль на чвэрць (на 24,3%) і склаў 2051 адзінку. Пры гэтым доля ў аб'ёмах продажу брэнда Geely застаецца на ўзроўні 79% на працягу ўсяго другога квартала.
У той жа час за першыя шэсць месяцаў 2023 года продаж новых легкавых аўтамабіляў склаў 8046 адзінак. Гэта на 23,5% менш за аналагічны перыяд 2022 года.
У БАА адзначаюць, што ў апошнія месяцы гэтага года назіраецца станоўчая тэндэнцыя ў колькасці мадэляў і марак, што прапаноўваюцца на рынку Беларусі. Калі ў канцы восені 2022 года колькасць мадэляў на продаж была меншая за 30, то на гэты момант яна перавышае 40, хаця ў чэрвені 2022 года іх было 60.
«У найбліжэйшы час тэндэнцыя з'яўлення на рынку новых брэндаў і мадэляў захаваецца, што, як наступства, пашырыць для спажыўцоў гаму аўтамабіляў на рынку», — прагназуе БАА.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект9
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары