Японская авіякампанія прапануе кліентам браць адзенне напракат, каб скараціць выдаткі на правоз багажу
Авіякампанія Japan Airlines пачала тэставаць паслугу пракату адзення — «Любое адзенне дзе заўгодна». Пасажыры могуць загадзя ўзяць напракат камплект адзення, які авіякампанія даставіць у гатэль або арандаванае жыллё па прыбыцці ў Японію.
Можна замовіць да дзевяці прадметаў адзення і захоўваць іх да двух тыдняў. Кожная падборка ўбрання адфільтраваная па сезоне, стылі і памеры. Цана пачынаецца ад 28 даляраў за пяць прадметаў.
Кампанія разлічвае, што такая ініцыятыва дапаможа скараціць выкіды паліва і CO2 падчас авіяпералётаў. Паслуга будзе даступная ў тэставым рэжыме да жніўня 2024 года.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары