У Літве мяркуюць, што пасля зацвярджэння Еўрасаюзам новых санкцый супраць Беларусі яны павінны быць узмоцненыя. Пра гэта заявіў міністр замежных спраў Літвы Габрыэлюс Ландсбергіс.
Па словах літоўскага міністра, санкцыі супраць Беларусі мусілі быць прынятыя ўжо даўно. Ён заклікаў ЕС не спыняцца на гэтым, паведамляе LRT.
«Пасля гадавога перапынку былі зацверджаны новыя санкцыі супраць Беларусі — адбылося тое, што даўно павінна было адбыцца. Беларусь падтрымлівае расійскую агрэсію ва Украіне, сітуацыя з правамі чалавека працягвае пагаршацца, а тэрыторыю Беларусі выкарыстоўваюць для абыходу санкцый супраць Расіі», — адзначыў Ландсбергіс.
Ён пацвердзіў, што новы пакет уводзіць новыя абмежаванні на тавары падвойнага прызначэння, авіяцыйныя запчасткі. З ягоных слоў, гэта дапаможа прадухіліць «з'яўленне такіх тавараў на полі бою», а таксама змагацца з абыходам санкцый супраць Расіі праз Беларусь.
«Аднак мы не можам сядзець склаўшы рукі — апошняя частка санкцыйнага пакета павінна быць прынятая неадкладна. Спадзяюся, нам не прыйдзецца чакаць гэтага гэтак жа доўга», — падкрэсліў Ландсбергіс.
Напярэдадні стала вядома, што амбасадары ЕС узгаднілі ўвядзенне новых санкцый супраць Беларусі за яе сувязь з расійскай захопніцкай вайной.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
скажем так...далеко недоброжелательной