Грамадства11

Сталі вядомыя падрабязнасці разбойнага нападу з пісталетам у Мінску

У Мінску 38‑гадовага мужчыну затрымалі па падазрэнні ў разбойным нападзе на знаёмага, якога ён падманам выманіў на сустрэчу нібыта для абмену крыптавалюты. Пра гэта паведаміў Следчы камітэт.

Уночы 11 лістапада на нумар 102 звярнуўся 26‑гадовы мінчук. Ён паведаміў, што ягоны знаёмы, пагражаючы прадметам, падобным да пісталета, адабраў у яго буйную суму грошай.

Як высветлілі следчыя, мужчыны камунікавалі і раней, разам праводзілі аперацыі абмену крыптавалюты. У дзень здарэння будучы нападнік паведаміў знаёмаму, што неўзабаве з'язджае за мяжу, і папрасіў сустрэцца, каб дапамагчы з чарговым абменам. Мінчук не западозрыў падману, узяў з сабой грошы і паехаў да яго.

Бліжэй да поўначы пацярпелы прыехаў на аўтамабілі да дома знаёмага. Калі той сеў на пярэдняе пасажырскае сядзенне, то накіраваў на мужчыну пісталет і запатрабаваў аддаць грошы. Пры гэтым ён спасылаўся на неабходнасць набыць наркотыкі. Асцерагаючыся за сваё жыццё і здароўе, пацярпелы перадаў яму 2 тысячы даляраў. Пасля гэтага нападнік выйшаў з аўтамабіля і ўцёк.

У выніку следчых дзеянняў і аператыўна-вышуковых мерапрыемстваў падазраванага хутка затрымалі. Падчас асабістага ператрусу ў яго знайшлі пісталет Beretta Mod. 92FS, 15 патронаў калібру 9 мм і грошы, адабраныя ў пацярпелага.

Следства таксама высветліла, што затрыманы жыве адзін і афіцыйна не працуе. Паводле папярэдніх звестак, зброю, выкарыстаную падчас нападу, ён набыў у суседняй краіне. Падчас ператрусу ў яго дома знайшлі пнеўматычную вінтоўку і боепрыпасы.

Дзеянні 38‑гадовага мінчука кваліфікаваныя паводле часткі 1 артыкула 207 Крымінальнага кодэкса (разбой) і часткі 2 артыкула 295 (незаконныя дзеянні ў дачыненні да агнястрэльнай зброі і боепрыпасаў). З санкцыі пракурора яго ўзялі пад варту.

Каментары1

  • Вольга
    16.11.2026
    Назву "суседняй краіны" пачуем калі-небудзь? Марс, Андрамеда? - "Ціраюсь у дагадках".

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць15

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай29

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі13

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 20

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць