Продаж легкавых аўтамабіляў у ліпені ў параўнанні з чэрвенем зменшыўся на 20,7%, ці 1627 штук супраць 2051. Але ў параўнанні з ліпенем 2022-га колькасць рэалізаваных машын павялічылася больш чым удвая, гаворыцца ў свежай справаздачы Беларускай аўтамабільнай асацыяцыі (БАА).
У цэлым у студзені-ліпені рэалізавалі 9673 новыя легкавыя машыны. Значную частку рынку, як і раней, займае брэнд Geely, нягледзячы на тое, што яго доля зменшылася да 71,0% па выніках продажу ліпеня і да 75,6% па выніках сямі месяцаў гэтага года.
Прытым марка ўсё гэтак жа захоўвае лідарскія пазіцыі (у ліпені было прададзена 1 155 аўтамабіляў Geely). На другім месцы — Lada (218 рэалізаваных аўто), на трэцім радку размясцілася Audi (65 аўто).
Тры новыя аўтабрэнды (Exeed, Voyah і FAW), якія прыйшлі ў першым паўгоддзі, не аказалі істотнага ўплыву на ўсплёск актыўнасці спажыўцоў, адзначаецца ў справаздачы.
«У другім паўгоддзі мы чакаем з'яўлення на рынку новых гульцоў, якія прадставяць патэнцыйна цікавыя для пакупнікоў мадэлі», — расказаў член праўлення БАА Сяргей Самойла.
Раней паведамлялася, што продаж новых легкавых аўто ў студзені-чэрвені знізіўся на 23,5% у параўнанні з першай паловай 2022 года. Таксама ў БАА адзначалі, што на фоне санкцый продаж машын прэміум-сегмента працягваецца. Напрыклад, у Беларусі купляюць прэміумныя аўто брэндаў BMW, Lexus, Land Rover, Toyota, Mercedes і іншых.
У цэлым значна пашырыўся асартымент мадэляў. Калі ў канцы восені 2022 года аўтадылеры прапаноўвалі іх менш за тры дзясяткі, то летам 2023-га мадэляў стала ўжо больш за 40.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары