Усевалад Янчэўскі. Фота: БелТА
Паводле інфармацыі «Нашай Нівы», ён цяпер узначальвае юрыдычную асобу ў Аб'яднаных Арабскіх Эміратах, якую адкрывалі як фінансавую пракладку для ПВТ. Праз яе збіраліся пераводзіць грошы тых беларускіх ІТ-кампаній і замежных замоўцаў, якія не могуць працаваць наўпрост з Беларуссю пасля пачатку поўнамаштабнай вайны ва Украіне.
Наколькі вядома, Янчэўскі з пасады кіраўніка ПВТ папрасіўся сам — пад выглядам таго, што больш неабходны на месцы ў ААЭ, каб весці справы новай юрасобы.
«Наша Ніва» раней пісала, што ідэя адкрыцця кампаніі ў ААЭ належыць кіраўніцтву Парка высокіх тэхналогій.
З аднаго боку, патрэба вынікае з сітуацыі на рынках: праз ускладненні фінансавых адносін паміж беларускімі банкамі і банкамі развітых краін узнікаюць цяжкасці ў аплаце паслуг тых беларускіх кампаній, якія з уласных прычын застаюцца ў Беларусі, працуючы пры гэтым на заходнія рынкі.
Стварыўшы юрыдычную асобу ў Эміратах, кіраўніцтва ПВТ спадзяецца такім чынам вырашыць праблему падобных кампаній. Плануецца, што заходні замоўца будзе плаціць не ў такую таксічную юрысдыкцыю, якой цяпер лічыцца беларуская, а на рахункі пракладкі ПВТ у ААЭ. А ўжо потым гэтыя грошы будуць трапляць у Беларусь. Імаверна, у валюце, адрознай ад валюты прыходу. Напрыклад, канвертаваныя ў юані.
ПВТ будзе мець з гэтага свой працэнт за абслугоўванне.
Янчэўскі ўзначальваў ПВТ з 2017 года. Датуль ён быў памочнікам Лукашэнкі і ідэолагам.
Новым кіраўніком ПВТ стаў выхадзец з КДБ Аляксандр Базанаў.
Чытайце таксама:
Янчэўскі стварае ў Эміратах фінансавую пракладку для рэзідэнтаў ПВТ
Венгры пайшлі насустрач Янчэўскаму і пагадзіліся стварыць пракладку для кампаній ПВТ — крыніцы
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)