Венгры пайшлі насустрач Янчэўскаму і пагадзіліся стварыць пракладку для кампаній ПВТ — крыніцы
Своеасаблівую пракладку для рэзідэнтаў Парку высокіх тэхналогій стварылі ў Аб'яднаных Арабскіх Эміратах. Гэта робіцца для палягчэння супрацоўніцтва кампаній з беларускай прапіскай са сваімі контрагентамі з заходніх краін, дзе спажываюцца ІТ-паслугі. Як стала вядома «Нашай Ніве», да арабскай пракладкі дадаецца яшчэ адна.
Пра хуткую магчымасць працаваць праз Венгрыю «Нашай Ніве» паведамілі кіраўнікі ІТ-кампаній.
Дыпламатычная заслуга прыпісваецца Янчэўскаму.
«Як бы там ні было ў Эміратах, але гэта ўсё роўна вельмі сумнеўная юрысдыкцыя, з якой прыстойныя кампаніі не вельмі хочуць працаваць. Эміраты — гэта як Арменія, як Кіпр. А мець магчымасць прымаць плацяжы ў краіне ЕС — гэта ўжо лепш», — сказаў нам адзін з топ-менеджараў.
Інфармацыя пра магчымасць працаваць цераз пракладкі непублічная і распаўсюджваецца кулуарна.
Большасць вялікіх беларускіх кампаній і так маюць магчымасць адкрыць офісы і рахункі ў краінах ЕС, не прыбягаючы да паслуг кіраўніцтва ПВТ.
Таму патрэба ў такіх пракладках невідавочная, яны могуць быць актуальнымі для невялікіх гульцоў.
Сама ж патрэба вынікае з сітуацыі на рынках: праз ускладненні фінансавых адносін паміж беларускімі банкамі і банкамі еўрапейскіх краін узнікаюць цяжкасці ў аплаце паслуг тых кампаній, якія застаюцца ў Беларусі, працуючы пры гэтым на заходнія рынкі.
Плануецца, што праз пракладкі ў Арабскіх Эміратах і Венгрыі заходні замоўца будзе плаціць не ў такую таксічную юрысдыкцыю, якой цяпер лічыцца беларуская, а на рахункі пракладкі. А ўжо потым гэтыя грошы будуць трапляць у Беларусь. Імаверна, у валюце, адрознай ад валюты прыходу.
Чытайце таксама:
Янчэўскі стварае ў Эміратах фінансавую пракладку для рэзідэнтаў ПВТ
Цяпер чытаюць
«Сіл няма, рэсурсаў няма, усе стаміліся». Лукашэнка заявіў, што вайна ва Украіне ў найбліжэйшыя месяцы будзе скончаная22
Каментары
Навялікія гульцы ўжо знайшлі шляхі пастаўкі eur.
Наўрадці хто ў здаровым розуме з ПВТ кампаній пойдзе прасіцца да Янчэўскага. Хутчэй Янчэўскі муціць пад кагось з сям’і схему.