У Кітаі з 10 жніўня адмененыя абмежаванні на групавыя паездкі ў 70 краін, у тым ліку і ў Беларусь. Пра гэта рашэнне аб'явіла Міністэрства культуры і турызму КНР, а звязана яно з паляпшэннем эпідэмічнай сітуацыі ў большасці рэгіёнаў свету, паведамляе Office Life.
Сярод краін, куды цяпер можна адпраўляць групы турыстаў з Кітая — ЗША, Японія, Індыя, Германія, Вялікабрытанія, Паўднёвая Карэя, Турцыя і іншыя дзяржавы.
Кітай здымае абмежаванні паэтапна. Першы спіс з 20 краін, куды былі дазволеныя групавыя туры, быў прыняты ў студзені і ўключаў Расію, Тайланд, Кубу і іншыя напрамкі. У сакавіку ўлады КНР адкрылі для сваіх турыстаў яшчэ 40 краін.
Паводле звестак беларускай статыстыкі, у 2018 годзе нашу краіну наведала 3277 кітайскіх турыстаў, а ў 2019-м — 5621.
Грамадзяне Кітая — спецыфічная катэгорыя падарожнікаў. Яны любяць групавыя туры, якія складаюць 60% усяго выязнога кітайскага турызму. Падчас такіх паездак яны трацяць вельмі шмат грошай.
Летась беларускія ўлады нават абмяркоўвалі праект будаўніцтва спецыяльных санаторыяў, арыентаваных менавіта на кітайскіх турыстаў.
Дэпутатка, якая рыхтуе прыгажунь для Лукашэнкі, выйшла замуж23
Каментары