Знізілі мінімум цэн на мяса для Кітая і малако для Паўночнай Карэі
Мінсельгасхарч Беларусі змяніў гранічныя мінімальныя цэны на тавары, якія рэалізуюцца па знешнегандлёвых дамовах. Зроблена гэта пастановай ведамства ад 7 жніўня 2023 года № 99, апублікаванай на Нацыянальным прававым партале.
Гэтым разам змяніліся ніжнія гранічныя цэны на некаторыя тавары, якія пастаўляюцца ў Кітай і ў КНДР.
У прыватнасці, у Кітай можна будзе цяпер прадаваць мяса маладняку буйной рагатай жывёлы не танней за 3,4 даляра за 1 кг (раней — не танней за 3,5 даляра), мяса дарослых жывёл — не танней за 3,2 даляра за 1 кг (раней — не танней за 3,4 даляра).
У Паўночную Карэю — малако і вяршкі, згушчаныя, у парашку, гранулах або ў іншых цвёрдых відах, з утрыманнем тлушчу большым за 1,5 мас. %, без дадавання цукру або іншых падсалоджвальных рэчываў — не танней за 2,9 даляра за 1 кг (раней — не танней за 3,15 даляра).
Астатнія гранічныя мінімальныя цэны на тавары не змяніліся.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары