Інфармацыйную прадукцыю царквы «Новае жыццё» хочуць прызнаць «экстрэмісцкімі матэрыяламі»
Мінская евангельская царква «Новае жыццё» атрымала сёння два афіцыйныя лісты, адно з якіх — патрабаванне яўкі ў інспекцыю бухгалтара і прадстаўленні некаторых фінансавых дакументаў, піша «Хрысціянская візія». Другі ліст паведамляе пра слуханне ў судзе справы аб прызнанні інфармацыйнай прадукцыі царквы «экстрэмісцкімі матэрыяламі».
«У вытворчасці суда Цэнтральнага раёна Мінска знаходзіцца грамадзянская справа паводле заявы першага намесніка пракурора горада Мінска ў інтарэсах Рэспублікі Беларусь аб прызнанні інфармацыйнай прадукцыі экстрэмісцкімі матэрыяламі», — гаворыцца ў лісце.
Судовае пасяджэнне прызначана на 14:30 23 жніўня 2023 года.
Раней паведамлялася, што ў Мінску пачалі зносіць былы будынак царквы «Новае жыццё», пераабсталяваны ў свой час са старога кароўніка. А ў верасні 2022 года пастара царквы Вячаслава Ганчарэнку затрымалі і аштрафавалі на 100 базавых велічынь.
Цяпер чытаюць
Хто забараняе ў Беларусі кнігі — вось гэтыя 22 чалавекі16
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары