У Гомелі разглядаюць крымінальную справу, дзе адно з абвінавачанняў — удзел у ваенных дзеяннях
Выданне «Флагшток» заўважыла, што ў Гомельскім абласным судзе 16 жніўня пачне разглядацца справа супраць Дзмітрыя Макеева, якая, акрамя традыцыйных для Беларусі «экстрэмісцкіх» абвінавачанняў, утрымлівае і артыкул 361-3 ч. 2 — «Удзел на тэрыторыі іншай дзяржавы ва ўзброеным фармаванні ці ва ўзброеным канфлікце, ваенных дзеяннях, вярбоўка або падрыхтоўка асоб да такога ўдзелу».
Увогуле Дзмітрыя Макеева абвінавачваюць паводле шасці артыкулаў Крымінальнага кодэкса. Тры артыкулы тычацца «фінансавання экстрэмісцкай дзейнасці», прычым як мінімум адзін эпізод быў здзейснены да мая 2021 года, пра што сведчыць рэдакцыя аднаго з артыкулаў абвінавачання.
Два артыкулы прадугледжваюць садзейнічанне «экстрэмісцкай дзейнасці», уключаючы вярбоўку.
Іншыя падрабязнасці крымінальнага працэсу на гэты момант невядомыя.
Цяпер чытаюць
Квадрат у Мінску каштуе рэкордна дорага: нарэшце пабіты рэкорд 2007 года2
Каментары