У судзе Жлобінскага раёна 4 жніўня разглядалася крымінальная справа Дар’і Караблінай, абвінавачанай па ч. 1 арт. 342 КК за ўдзел у акцыі пратэсту, якая адбылася 10 жніўня 2020 года, піша «Вясна».
Справу разглядала суддзя Святлана Рубахава.
Дар’я Карабліна была затрыманая 21 чэрвеня 2023 г. Да затрымання яна працавала кантралёрам аддзела тэхнічнага кантролю на Беларускім металургічным заводзе.
10 жніўня 2020 года разам з сяброўкай яна прагульвалася па горадзе. На цэнтральнай плошчы горада яны заўважылі вялікую колькасць людзей і падышлі да натоўпу, каб пацікавіцца, што там адбываецца. Пасля таго, як міліцыя пачала выцясняць людзей з плошчы, жанчыны сышлі дадому, распавяла дзяўчына.
Суд пакараў Дар'ю абмежаваннем волі без накіравання на паўтара года (хатняя хімія).
Цяпер чытаюць
Жанчыны ў ахове і браняваны картэж. Як Украіна арганізавала бяспеку візіту Ціханоўскай у Кіеў13
Каментары