Ці зможа штучны інтэлект пісаць жарты пра Лукашэнку замест Славы Камісаранкі? Комік праверыў
На канцэрце ў Амстэрдаме ў Славы Камісаранкі спыталі, ці не хвалюецца ён праз тое, што гадоў праз пяць жарты замест яго зможа прыдумляць штучны інтэлект.
Аказалася, што не вельмі.
— Мне ўжо дасылалі нейкія жарты пра Чык-Чырыка, якія генераваў штучны інтэлект. Было нешта кшталту «Чык-Чырык — гэта наш пухнаты сябар», — адказаў ён.
Комік прапанаваў гледачам у зале папрасіць ChatGPT напісаць жарт пра Лукашэнку. І вось што выйшла:
— Чаму Лукашэнка ніколі не гуляе ў шахматы? Бо яго палохае тое, што любая пешка можа стаць каралём.
І зале, і нават самому Славу Камісаранку жарт спадабаўся. Але стэндапер папрасіў пашукаць што-небудзь даўжэйшае.
— Можаце яшчэ варыянты загугліць? А то я нешта пачаў хвалявацца.
— Лукашэнка аднойчы кажа: «Я абяцаю, што кожны беларус атрымае акр зямлі». Калі ж людзі пыталіся, дзе іх акр, то Лукашэнка паказваў на багну і казаў: «Вось ваш акр, пачынайце будаваць». Так што, таварышы, калі ў вас ёсць высокія чаравікі і вёслы, хутчэй ідзіце па свой акр».
Гэты жарт заснаваны на перабольшанні і іроніі. Ён іграе на абяцаннях Лукашэнкі і яго схільнасці да перабольшання і на нерэалістычных заявах.
Комік зарагатаў:
— Чык-Чырык, цябе толькі што прасмажыў штучны інтэлект!
Слава Камісаранка паабяцаў вярнуць грошы за квіток на канцэрт хлопцу, які з дапамогай ChatGPT стварыў гэты жарт. Але, здаецца, пакуль што стэндапер можа не хвалявацца наконт канкурэнцыі з боку штучнага інтэлекту.
Чытайце таксама:
«Нічога не панятна, но так непрыятна». Слава Камісаранка апублікаваў свой першы стэндап на беларускай мове
«Вяртайцеся, пакайцеся, і я вас усіх пасаджу». Слава Камісаранка выклаў частку новага стэндапа, там зноў шмат пра Лукашэнку
Ціханоўская сустрэлася са Славам Камісаранкам ФОТА
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары