Брытанская паліцыя імчалася на месца масавага забойства. Аказалася, гэта заняткі ёгай
Брытанская паліцыя нядаўна атрымала сігнал, што ў адной мясцовасці адбылося масавае забойства. Але ў выніку выявілася, што гэта былі звычайныя заняткі ёгай. Аб гэтым 8 верасня паведаміла агенцтва Euronews.
Увечары 6 верасня некалькі чалавек праводзілі сеанс ёгі ў прыморскім курортным пасёлку Чапел-Сэнт-Леанардс, які знаходзіцца ў графстве Лінкальншыр на поўначы Вялікабрытаніі. Аднак гэтыя заняткі нечакана спыніў вялікі нарад паліцэйскіх.
Выявілася, што нейкі мінак патэлефанаваў у мясцовую паліцыю і паведаміў, што ўбачыў «ляжачыя на зямлі трупы». Паліцэйскія зрэагавалі імгненна і выехалі на «месца злачынства», але, на шчасце, знайшлі там толькі групу шакаваных ёгаў.
«Паважаныя наведвальнікі, калі ласка, майце на ўвазе, што вечарам у абсерваторыі праходзяць заняткі ёгай. Мы не з’яўляемся сябрамі вар’яцкіх сектаў і не ўдзельнічаем у шалёных культах», — пракаментавала ўчынак мясцовая кавярня, дзе праходзілі заняткі ёгай, перадае Euronews.
У кавярні таксама падзякавалі паліцыі, якая хутка адрэагавала на выклік, і паведамілі, што ўсе ўдзельнікі кур’ёзнай сітуацыі жывыя і здаровыя.
Чытайце таксама:
Фізічныя практыкаванні ў маладосці могуць знізіць рызыку раку на 40% — навукоўцы
Цяпер чытаюць
Эйсмант: Статкевіча памілавалі ўжо паўгода назад, але тады ён вярнуўся ў турму17
Каментары