Былы кіраўнік Таварыства беларускай культуры ў Іркуцку Алег Рудакоў і ягоная жонка Вольга выйшлі на волю пасля 30 сутак арышту, паведамляе агенцтва BPN. «Алега і Вольгу адпусцілі некалькі дзён таму, але сказалі рыхтавацца да суда па дэпартацыі ў Расію», — цытуе «Радыё Свабода» суразмоўцу агенцтва.
Муж і жонка Рудаковы былі затрыманыя 24 жніўня ў Полацкім раёне і асуджаныя па арт. 19.11 КаАП (распаўсюджванне экстрэмісцкіх матэрыялаў).
Рудаковых затрымалі ў іх доме ў вёсцы Бяздзедавічы.
«Міліцыя сказала, што іх адвязуць у горад на размову гадзіны на тры, таму яны не бралі з сабой зменных рэчаў і сродкаў гігіены».
Але іх падманулі, асудзіўшы на 30 сутак арышту кожнага.
Алег Рудакоў нарадзіўся ў Беларусі. Больш за 30 гадоў пражыў у Расіі, стварыў і на працягу 17 гадоў узначальваў у Іркуцку Таварыства беларускай культуры імя Яна Чэрскага.
У 2020 годзе канчаткова вярнуўся ў Беларусь. Яго жонка Вольга вядзе майстар-класы па традыцыйным беларускім гафце ў полацкім Музеі традыцыйнага ручнога ткацтва Паазер’я.
У красавіку 2010 года ўказам Аляксандра Лукашэнкі Рудакоў быў узнагароджаны медалём Францыска Скарыны «за заслугі ва ўмацаванні культурных сувязей паміж Беларуссю і Расіяй, вялікі асабісты ўнёсак у захаванне традыцый беларускай культуры».
У 2020-м сын Ганны Канапацкай званіў у міліцыю з даносам на мінчукоў, якія развешвалі стужкі10
Каментары