Зяленскі: У выпадку замарозкі вайны ва Украіне Расія можа атакаваць іншыя краіны ў 2028 годзе
«Зараз Расія разглядае розныя сцэнары на найбліжэйшыя гады. Адзін з іх асабліва небяспечны», — выказаў меркаванне прэзідэніт Украіны падчас візіту ў Іспанію, дзе ён бярэ ўдзел у III Саміце еўрапейскай палітычнай супольнасці.
Уладзімір Зяленскі зазначыў, што калі Расіі даць адаптавацца цяпер, у 2028 годзе Крэмль зможа аднавіць разбіты ўкраінцамі вайсковы патэнцыял, і ў Масквы будзе дастаткова сілы атакаваць краіны, якія ў фокусе расійскай экспансіі.
Акрамя Украіны, гэта дакладна краіны Балтыі і дакладна тыя краіны, на тэрыторыі якіх прысутнічаюць расійскія кантынгенты.
«Гэта дакладная інфармацыя ад нашага даследавання, і мы сігналізуем вам пра гэта», — мяркуе ён.
Прэзідэнт Украіны падкрэсліў, што Расія «шукае магчымасці замарозіць сітуацыю і адаптавацца, робіць высновы са сваіх памылак і рыхтуецца ісці далей».
«Калі ласка, памятайце, што найбольш небяспечны вораг — гэта той, які зрабіў высновы і падрыхтаваўся да наступнага ўдару на аснове гэтых высноў», — падкрэсліў Уладзімір Зяленскі.
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам24
Каментары