Стала вядома новае месца працы экс-кіраўніка Гомеля, пра якога гаварылі, што ён у СІЗА
Былы старшыня Гомельскага гарвыканкама Уладзімір Прывалаў раптоўна страціў пасаду ў маі. Яго звальненне адбылося на фоне чутак пра яго арышт і махінацыі з нерухомасцю — тады Следчаму камітэту нават прыйшлося выступаць з афіцыйным абвяржэннем гэтай інфармацыі.
Былы старшыня Гомельскага гарвыканкама Уладзімір Прывалаў прызначаны кіраўніком адміністрацыі свабоднай эканамічнай зоны «Гомель-Ратон». Адпаведная пастанова Савета міністраў была апублікаваная 9 ліпеня.
На гэтай пасадзе ён змяніў Дзмітрыя Лебедзя, якога звольнілі па пагадненні бакоў.
Аляксандр Лукашэнка зняў Прывалава з пасады кіраўніка Гомеля 12 мая пасля трох з паловай гадоў працы. Яго месца заняў Руслан Пархамовіч (былы памочнік Лукашэнкі па рэгіёне).
Прычыны гэтай кадравай перастаноўкі тады не агучваліся.
На фоне адстаўкі выданне «Флагшток» паведаміла пра магчымае затрыманне Прывалава па справе аб махінацыях з кватэрамі і змяшчэнне яго ў СІЗА.
Аднак 18 чэрвеня Следчы камітэт абверг гэтыя чуткі, заявіўшы, што ніякага крымінальнага пераследу ў дачыненні да экс-чыноўніка няма, і пачаў крымінальную справу за паклёп.
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары