Цяпер ідзе працэс распаветрывання сістэм ацяплення.
Сёлета запуск ацяплення ў жылфондзе сталіцы трэба было забяспечыць на працягу трох дзён, і гэтая задача выканана, паведаміў галоўны інжынер аб'яднання «Мінская гарадская жыллёвая гаспадарка» Вячаслаў Батура, пішуць Мінск-навіны.
— Цяпер працягваецца распаветрыванне сістэм ацяплення ў дамах, крытычных сітуацый няма. Спецыялісты працягнуць гэтую працу і ў выходныя, адпаведныя загады выдадзены ў арганізацыях ЖКГ, — сказаў В. Батура.
Ён дадаў, што, у параўнанні з леташнім перыядам запуску цяпла, колькасць зваротаў ад жыхароў па пытаннях ацяплення скарацілася.
Намеснік старшыні Мінгарвыканкама Алег Корзун даручыў жыллёвым службам горада найбліжэйшымі днямі выканаць усе неабходныя работы для таго, каб у кватэрах гараджан стала цёпла і камфортна.
Каментары