У 1973 годзе Аляксей і Вольга Брыкульскія ўзялі шлюб у Лельчыцкім раёне. Аляксей прывёз тады будучую жонку ў ЗАГС на матацыкле. Праз 50 гадоў яны вырашылі паўтарыць цырымонію.
Толькі сёння Аляксей Іванавіч і Вольга Аляксееўна прыехалі да ЗАГСа на рэтра-матацыкле, паведамляе тэлеканал «Мазыр».
«Шчыра скажу, кахаю яго, як і кахала 50 гадоў таму. Не ведаю, як ён (смяецца). Мару, каб адзначыць 100-годдзе, бо я з доўгажыхароў», — кажа Вольга Аляксееўна.
Жанчына кажа, што яны пакахалі адно аднаго з першага позірку і пражылі 50 гадоў у міры і згодзе. Выхавалі дастойных сына і дачку, маюць пяць унукаў.
Брыкульскія кажуць, што паклікалі на ўрачыстасць у ЗАГС блізкіх, а потым паедуць у кавярню адзначыць юбілей: «Замочым гэту справу і будзем жыць далей».
Аляксей Іванавіч таксама дзеліцца сакрэтамі такога доўгага жыцця ў шлюбе: «Трэба недзе прамаўчаць, недзе нешта сказаць, каб не моцна заядала. Ідэальных сем'яў не бывае. І добрае было, а кепскае мы стараліся абыходзіць».
Аляксей Іванавіч і Вольга Аляксееўна кажуць, што 50 гадоў таму яны не хваляваліся так, як сёння.
А ўрачыстую цырымонію правялі па ўсіх правілах: са сведкамі і абменам пярсцёнкамі. І напрыканцы быў вясельны танец.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары