Аднагадовая дзяўчынка, што загінула ў ДТЗ з ласём пад Мінскам, была на руках у маці
Трагічнае здарэнне адбылося каля 18:50 у нядзелю на 364 кіламетры аўтадарогі Брэст — Мінск — мяжа РФ у напрамку Брэста, паблізу вёскі Сініло.
Фота: СК
Як паведамлялася, 42-гадовы мужчына на «Хёндэ Элантра» сутыкнуўся з ласём, які раптам выскачыў на дарогу.
У машыне знаходзілася жонка кіроўцы з аднагадовым дзіцем.
Бацька і яго дачка ад атрыманых цялесных пашкоджанняў памерлі на месцы здарэння, а 39-гадовая жанчына ў цяжкім стане дастаўлена ў рэанімацыйнае аддзяленне ў бальніцу.
Аўтамабіль не быў абсталяваны дзіцячым аўтакрэслам, дзяўчынка знаходзілася на руках у маці, паведамляе СК.
Каментары