6 лістапада Святлана Ціханоўская ў Вільні сустрэлася з міністрам замежных спраў Швецыі Тобіасам Більстрамам. Суразмоўцы поўныя аптымізму — гаворка можа ісці пра новы этап адносін са Швецыяй.
Швецыя прызначае спецыяльнага пасланца па беларускіх справах, які будзе працаваць з беларусамі выгнання і беларускім дэмакратычным рухам. Такім прадстаўніком стала былая амбасадарка Швецыі ў Беларусі Крысціна Юханесан.
Акрамя гэтага, Ціханоўская і кіраўнік шведскага МЗС абмеркавалі супрацоўніцтва ў розных галінах, у тым ліку ў культурнай, падтрымку палітвязняў і магчымыя шляхі іх вызвалення. Гаварылі таксама пра магчымасць узмацнення санкцый на беларускі рэжым.
Як знак падзякі за супрацоўніцтва, Ціханоўская ўручыла Більстраму ўзнагароду «Крыж дабрасуседства».
Більстрам, у сваю чаргу, падчас адмысловага брыфінгу адзначыў неабходнасць узмацнення санкцый супраць рэжыму Лукашэнкі і ўсіх адказных за рэпрэсіі і ціск на беларускае насельніцтва. Таксама ён падкрэсліў неабходнасць для Еўрасаюза спрыяць больш шчыльнай інтэграцыі з Беларуссю.
Гэта не першы спецпрадстаўнік краіны ЕС пры офісе Святланы Ціханоўскай. З дэмсіламі працуюць амбасадары з Польшчы (Артур Міхальскі), Эстоніі (Марка Каплімаа), Літвы (Аста Андрыяўскене) і Францыі (Віялен дэ Вільмёр).
«Наша Нiва» — бастыён беларушчыны
ПАДТРЫМАЦЬ-
Мінчук зняў ролік пра чаргу ў паліклініцы, дзе было больш за 150 чалавек. За гэта на мужчыну напісалі заяву ў міліцыю
-
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам
-
Каверын выбачыўся за прапанову эратычнай фотасесіі для Ціханоўскай
Цяпер чытаюць
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю6
Каментары