Здароўе

Як ачысціць і прадэзінфікаваць матрац

Як бы часта і старанна вы ні мянялі і ні пралі прасціны, ваш матрац усё роўна патрабуе чысткі. Гэта звязана з пылавымі кляшчамі, алеямі для цела, потам і адмерлай скурай, часцінкі якой асядаюць на матрацы.

Ілюстрацыйнае фота: Catherine Falls Commercial / Getty Images

Прыклаўшы крыху намаганняў, вы зможаце ачысціць і прадэзінфікаваць паверхню вашага матраца. Наконт унутранай часткі — іншая гісторыя (тут вам спатрэбіцца доступ да параачышчальніка прамысловага тыпу). Але ў большасці выпадкаў нас хвалюе менавіта паверхня.

Ачыстка матраца

Калі гэта магчыма, чысціце матрац на вуліцы ў цёплы, сонечны і не занадта вільготны дзень. Сонечнае святло дапаможа вашаму матрацу хутчэй высахнуць і дзейнічае як натуральны дэзінфікавальны сродак, дапамагаючы знішчыць некаторыя бактэрыі добрай дозай УФ-промняў. Калі вы не можаце выйсці на вуліцу, лепшы варыянт — вызваліць месца ў пакоі і прыхінуць матрац да сцяны перад сонечным акном.

Для выдалення пылу скарыстайцеся пыласосам, правёўшы па ўсёй паверхні насадкай для абіўкі і вузкай насадкай для шчылін. Калі забрудненне было выклікана форс-мажорам — свежым разлівам нейкай вадкасці, няшчасным выпадкам з хатняй жывёлай або начным нетрыманнем мачы — выкарыстоўвайце чыстыя ручнікі, каб увабраць як мага больш вадкасці, перш чым пыласосіць.

Самы просты спосаб выдаліць плямы — гэта натуральна сродак для мыцця дываноў і абіўкі, створаны спецыяльна для выдалення плям ад хатніх жывёл. Злёгку распыліце ачышчальнік на матрац і прамакніце пляму ад вонкавага краю ўнутр. Гэта павінна прадухіліць распаўзанне плямы. Калі пляма знікне, усё, што вам трэба зрабіць, гэта працерці вобласць вільготнай тканінай, а затым працерці вобласць сухой тканінай.

Дэзынфекцыя матраца

Пасля выдалення ​​пылу і плямаў, можна выкарыстоўваць некалькі розных метадаў для дэзінфекцыі. Правядзіце па паверхні адпарвальнікам для адзення або іншым ручным параачышчальнікам, каб знішчыць мікробы і пылавых кляшчоў. Каб асвяжыць абіўку і выдаліць слабыя пахі, Howstuffworks раіць скарыстацца харчовай содай (пасыпце, дайце ёй некалькі хвілін, а затым прапыласосьце). Але каб знішчыць больш бактэрый, вам спатрэбіцца больш сур’ёзны дэзінфікавальны сродак.

Выберыце антыбактэрыйны спрэй або зрабіце росчын самастойна з водарам, які вам падабаецца (калі вы аматар экзотыкі, то можаце выкарыстаць раствор воцату і харчовай соды або проста танную гарэлку!) Пазбягайце выкарыстання адбельвальніку: ён выдатна знішчае мікробы, але занадта рэзкі для пакрыцця з тканінаў, якія выкарыстоўваюцца ў большасці матрацаў. 

Калі вы выкарыстоўваеце вадкі ачышчальны сродак, развядзіце яго цёплай вадой у адпаведнасці з інструкцыямі на этыкетцы, апусціце ў росчын чыстую анучу, а потым (гэта ключавая частка) старанна адцісніце анучу, каб яна была ледзь вільготнай. Мэта ў тым, каб ачысціць паверхню матраца, не даючы ёй насыціцца вільгаццю, якая можа прывесці да з'яўлення цвілі.

Калі вы карыстаецеся дэзінфікавальным спрэем, злёгку апырскайце паверхню ўсяго матраца, затым пратрыце чыстай анучай, змочанай у цёплай вадзе і гэтак жа старанна адціснутай. Не забудзьцеся даць вашаму матрацу дастаткова часу для высыхання: лепш за ўсё некалькі гадзін з кожнага боку. Затым накрыйце яго чыстым наматрацнікам, прасцінамі і пасцельнай бялізнай і атрымлівайце асалоду ад добрага сну.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Адкуль у Беларусь едзе больш за ўсё гастарбайтараў? Топ-20 краін — і Пакістана тут пакуль няма3

Адкуль у Беларусь едзе больш за ўсё гастарбайтараў? Топ-20 краін — і Пакістана тут пакуль няма

Усе навіны →
Усе навіны

У Беларусі зацвердзяць спіс самых выбітных беларусаў у гісторыі21

Пасля розгаласу міліцыя дала тлумачэнні наконт начной бойкі замежнікаў у Гомелі18

У Беларусі апошні чырвоны ўзровень небяспекі з-за пылку. Гэта вельмі моцны алерген2

Начная пагоня ў Мінску: кіроўцу затрымлівалі больш за дзясятак інспектараў1

У сацсетках разлятаецца відэа бойкі замежнікаў у цэнтры Гомеля6

«Яны чамусьці думаюць, што іх зараз згвалцяць». Прапаганда кінулася тушыць абурэнне беларусаў 150 тысячамі пакістанцаў26

Ватыкан апублікаваў першую фатаграфію Папы Францішка ў труне1

Беларускія кампаніі ў Літве працягваюць скарачаць каманды. Wargaming — у топе па адтоку3

Затрымалі блогера Валянціна з канала «Каля металу»2

больш чытаных навін
больш лайканых навін

Адкуль у Беларусь едзе больш за ўсё гастарбайтараў? Топ-20 краін — і Пакістана тут пакуль няма3

Адкуль у Беларусь едзе больш за ўсё гастарбайтараў? Топ-20 краін — і Пакістана тут пакуль няма

Галоўнае
Усе навіны →

Заўвага:

 

 

 

 

Закрыць Паведаміць