Свет1111

Суд у Каларада забараніў Трампу ўдзельнічаць у прэзідэнцкіх выбарах

Што азначае гэта і ці зможа 45-ы прэзідэнт ЗША ўдзельнічаць у будучых выбарах?

Фота: Charlie Neibergall / AP

Вярхоўны суд штата Каларада пастанавіў выключыць былога прэзідэнта Дональда Трампа са спісу кандыдатаў на пасаду прэзідэнта ЗША ў 2024 годзе, спаслаўшыся на артыкул Канстытуцыі ЗША, які забараняе службовым асобам, якія ўдзельнічалі ў «мяцяжы або паўстанні», займаць дзяржаўныя пасады, піша Бі-бі-сі.

У аснову судовага рашэння легла меркаваная роля Дональда Трампа ў падзеях 6 студзеня 2021 года, калі натоўп яго прыхільнікаў уварваўся ў будынак Кангрэса на Капіталійскім узгорку ў спробе аспрэчыць вынікі прэзідэнцкіх выбараў, згодна з якімі перамогу атрымаў яго супернік Джо Байдэн.

Гэта рашэнне зрабіла Трампа першым прэтэндэнтам на пасаду прэзідэнта ў гісторыі ЗША, калі прызналі, што ён не мае права займаць Белы дом у адпаведнасці з вельмі рэдкай 14-й папраўкай да Канстытуцыі. Некалькі папярэдніх спробаў выкрасліць Трампа з выбарчага бюлетэня ў іншых штатах не мелі поспеху.

Уступленне рашэння ў сілу прыпынена да 4 студзеня 2024 года, каб даць магчымасць Вярхоўнаму суду ЗША разгледзець апеляцыю.

Прынятая ў аўторак пастанова Вярхоўнага суда адносіцца толькі да рэспубліканскіх праймерыз у Каларада, якія пройдуць там 5 сакавіка, і не распаўсюджваецца на штаты за яго межамі. Аднак яна здольна паўплываць на статус Трампа на ўсеагульных выбарах 5 лістапада.

Пазапартыйныя прагнозы на будучыя выбары разглядаюць Каларада як «бяспечны» дэмакратычны штат, што азначае, што дзейны прэзідэнт Джо Байдэн, хутчэй за ўсё, пераможа ў штаце незалежна ад лёсу Трампа.

На мінулых прэзідэнцкіх выбарах Дональд Трамп істотна саступіў у гэтым штаце свайму канкурэнту. Але калі суды ў іншых штатах, дзе ўзровень суперніцтва больш высокі, зробяць так, як каларадскі, заяўка Трампа на пасаду кіраўніка Белага дома можа сутыкнуцца з сур'ёзнымі складанасцямі.

Аналагічныя пазовы, якія раней былі пададзеныя ў штатах Нью-Гэмпшыр, Мінесота і Мічыган, пацярпелі няўдачу.

Кампанія Трампа назвала пастанову суда цалкам памылковай і недэмакратычнай, заявіўшы, што яна будзе абскарджаная ў Вярхоўным судзе ЗША.

«Лідары Дэмакратычнай партыі знаходзяцца ў стане параноі праз рост, дамінуючыя пазіцыі прэзідэнта Трампа ў апытаннях, — сказаў прадстаўнік перадвыбарнай кампаніі Трампа Стывен Чунг. — Яны страцілі веру ў правальнае прэзідэнцтва Байдэна і цяпер робяць усё магчымае, каб амерыканскія выбаршчыкі не выкінулі іх з офіса ў лістападзе наступнага года».

Чунг дадаў, што юрыдычная каманда Дональда Трампа ў самыя кароткія тэрміны падасць апеляцыю ў Вярхоўны суд ЗША.

Рэспубліканскія заканадаўцы таксама асудзілі гэтае рашэнне. У прыватнасці, спікер Палаты прадстаўнікоў Майк Джонсан назваў яго слаба завуаляванай атакай у інтарэсах адной партыі.

Праціўнікі былога прэзідэнта ЗША спадзяюцца выкарыстаць гэтую справу для актывізацыі больш шырокіх намаганняў па яго дыскваліфікацыі і патэнцыйна паставіць гэтае пытанне перад Вярхоўным судом ЗША.

Перспектывы гэтага, аднак, не выглядаюць прывабнымі, улічваючы, што ў складзе суда з дзевяці членаў пераканаўчую большасць (6:3) складаюць кансерватары, уключаючы трох суддзяў, прызначаных Трампам.

14-я папраўка да Канстытуцыі была ратыфікаваная пасля Грамадзянскай вайны ў ЗША. Раздзел 3 гэтай папраўкі быў выкарыстаны, каб не дазволіць сепаратыстам вярнуцца на ранейшыя дзяржаўныя пасады пасля таго, як паўднёвыя штаты зноў увойдуць у склад Саюза.

Яна ўжывалася супраць прэзідэнта Канфедэрацыі Джэферсана Дэвіса і яго віцэ-прэзідэнта Аляксандра Стывенса, якія працавалі ў Кангрэсе, але з тых часоў на яе спасылаліся вельмі рэдка.

Супраць Трампа заведзеныя чатыры крымінальныя справы, у тым ліку адна федэральная і адна справа ў штаце Джорджыя, звязаныя з яго спробамі аспрэчыць вынікі мінулых выбараў.

Каментары11

  • Мораль
    20.12.2023
    Если бы в 1994 шкловского кандидата, который при подаче документов в ЦИК указал неверные данные и пришел без паспорта, не зарегистрировали, то сейчас все бы было по другому. Но для комментатора выше - это «цирк», а не соблюдение и равенство перед законом.
  • Уоурві
    20.12.2023
    @Мораль, не надо сравнивать с америку с пост совком. У них там лоббизм капитала под соусом демократии, а у нас лоббизм агентуры из москвы под соусом абыяковасти серых масс.
  • a.hto.tam.idze
    20.12.2023
    НН, у вас няверная інфармацыя. Няма аніводнай справы, заведзенай супраць Трампа праз яго спробы аспрэчыць вынікі выбараў. Прынамсі, у Джоджыі абвінавачванні выстаўлены праз запіс тэлефоннай размовы, падчас якой ён прымушае дзяржсакратара штата сфальсіфікаваць вынікі галасаваньня.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць