Прэзідэнт Украіны Уладзімір Зяленскі ў сваім вечаровым звароце адзначыў, што трэба ўстанавіць усе факты і правесці расследаванне па падзенні расійскага самалёта Іл-76 24 студзеня. Паводле яго, Украіна будзе настойваць на міжнародным расследаванні.
Прэзідэнт Украіны Уладзімір Зяленскі ў сваім вечаровым звароце адзначыў, што трэба ўстанавіць усе факты і правесці расследаванне па падзенні расійскага самалёта Іл-76 24 студзеня. Паводле яго, Украіна будзе настойваць на міжнародным расследаванні.
«Трэба ўстанавіць усе дакладныя факты. Настолькі, наколькі гэта магчыма, улічваючы, што падзенне самалёта адбылося на расійскай тэрыторыі — па-за нашым кантролем. «Факты» — гэта галоўнае слова цяпер. Заслухаў Глаўкама і Генштаб па выкарыстанні Паветраных сіл. ГУР займаецца высвятленнем лёсу ўсіх палонных. Служба бяспекі расследуе ўсе акалічнасці.
І я даў даручэнне міністру замежных спраў Украіны праінфармаваць партнёраў аб наяўных дадзеных ва Украіне. Наша дзяржава будзе настойваць на міжнародным расследаванні», — сказаў ён.
Зяленскі зазначыў, што «расіяне гуляюць з жыццямі ўкраінскіх палонных, з пачуццямі родных і з эмоцыямі нашага грамадства».
Днём 24 студзеня ў Белгародскай вобласці РФ упаў ваенны самалёт Іл-76. У Мінабароны РФ заявілі, што ён ляцеў з падмаскоўнага аэрадрома ў Белгарад, а на борце знаходзіліся 65 палонных вайскоўцаў УСУ, трое сілавікоў для суправаджэння і 6 членаў экіпажу. Усе яны загінулі.
Масква абвінавачвае ва ўдары па самалёце Узброеныя сілы Украіны.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай3
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць2929
Каментары