Грамадства55

Супрацоўнікаў БДУ абавязалі справаздачыцца перад кіраўніцтвам пра кантакты падчас замежных паездак

З 1 студзеня супрацоўнікі БДУ пасля вяртання з-за мяжы абавязаныя запаўняць адмысловую анкету, у якой мусяць расказаць пра ўсіх, з кім бачыліся падчас паездкі, даведалася «Еўрарадыё».

Фота: Еўрарадыё

У анкеце 37 пытанняў, і сярод іх такія, якія патрабуюць расказаць начальству пра сваякоў і неслужбовыя кантакты ў іншых краінах, за выключэннем Расіі. Інфармацыйны ліст, да якога прыкладзеная анкета, падпісаў першы прарэктар БДУ Дзмітрый Курловіч.

«Даводжу да вашага ведама, што супрацоўнікі комплексу БДУ, якія часова выязджаюць з 01.01.2024 г. і ў далейшым за межы Рэспублікі Беларусь ва ўсе краіны свету, акрамя Расійскай Федэрацыі, у службовую камандзіроўку ці ў пытаннях, не звязаных са службовай ці вытворчай дзейнасцю, у межах працоўных ці сацыяльных адпачынкаў абавязаныя запоўніць прапанаваную анкету цягам 5 працоўных дзён з моманту вяртання з камандзіроўкі ці пасля выхаду з сацыяльнага ці працоўнага адпачынку», — гаворыцца ў гэтым лісце.

Запоўненыя анкеты належыць перадаваць кіраўніку структурнага падраздзялення, які мусіць адправіць іх у прыёмную першага прарэктара БДУ.

Сярод пытанняў анкеты наступныя.

  • Ці маеце вы ці мелі раней грамадзянства замежнай дзяржавы, дакументы, якія ёсць падставаю для атрымання прывілеяў замежных дзяржаў (карта паляка, «зялёная карта» ды іншыя)?
  • Сваяцкія сувязі за мяжой (імя, імя па бацьку, прозвішча, ступень сваяцтва, месца пражывання, з якога часу, месца працы ці навучання).
  • Неслужбовыя кантакты з асобамі з ліку грамадзян, якія стала жывуць за мяжой, акрамя пазначаных у п. 4 анкеты (імя, імя па бацьку, прозвішча, месца пражывання, месца працы, навучання, кантактныя звесткі, форма камунікацыі: сустрэчы, ліставанне, тэлефонныя размовы і г. д.).
  • Ці былі ў вашым атачэнні іншаземцы, якія праяўлялі надзвычайную цікавасць да Рэспублікі Беларусь?

Гэтая навіна цалкам укладаецца ў агульную логіку развіцця падзей у Беларусі. Так, з 17 лістапада 2023 года чыноўнікі і дзяржаўныя службоўцы, каб выехаць за межы краіны, мусяць прасіць дазвол. Каб яго атрымаць, трэба за 10 дзён да паездкі падаваць заяву. У ёй чыноўнік мусіць пазначаць краіну наведання і краіны транзіту, мэту паездкі і канчатковы адрас.

Каментары5

  • Выпускница БГУ 2006
    27.01.2024
    Предлагаю также аннулировать дипломы всем выпускникам, кто уехал после 2020 года. БГУ превращается ускоренными темпами в д..ьмо
  • Антып
    27.01.2024
    Хтось сумаваў па СССР? Усё развіваеца па спіралі, чарговы віток якой няўхільна вяртае нас да саўковага абсурду, узнятага на новы ўзровень. 
  • Беларус
    27.01.2024
    Пашлi вон шызiкi лукашыскiя.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць