Супрацоўнікі міліцыі завялі крымінальную справу супраць кіраўніцы Дома польскага ў Івянцы Тэрэсы Собаль.
Супрацоўнікі міліцыі завялі крымінальную справу супраць кіраўніка Дома польскага ў Івянцы Тарэсы Собаль, якая з’яўляецца сябрам непрызнаванага ўладамі Саюза палякаў на Беларусі на чале з Анжалікай Борыс.
На дадзены момант Тарэса Собаль знаходзіцца ў якасці падазраванай: супраць актывісткі непрызнаванага ўладамі Саюза палякаў узбуджана крымінальная справа паводле часткі ІІ артыкула 210 Крымінальнага кодэкса Рэспублікі Беларусь.
Супрацоўнікі Валожынскага РАУСа абвінавачваюць жанчыну ў злоўжыванні, якое палягае на тым, што ў 2004 годзе паводле загада тагачаснага кіраўніка Саюза палякаў Тадэвуша Кручкоўскага Дом польскі ў Івянцы атрымаў матэрыяльную дапамогу без рэгістрацыі.
Старшыня галоўнай рады Саюза палякаў Андрэй Пачобут лічыць, што дзеянні ўладаў у дачыненні да Тарэсы Собаль носяць правакацыйны характар:
— Мінула ўжо 5 гадоў з таго часу, а гэта значыць, што мінуў тэрмін даўніны, пасля якога прыцягненне да адказнасці заканадаўствам не прадугледжана. Негледзячы на гэта, міліцыя ўзбуджае крымінальную справу, а Тэрэсе Собаль пагражае судовае разбіральніцтва, што на мой погляд выглядае, як чарговая рэпрэсія ў дачыненні да актывістаў непрызнаванай уладамі арганізацыі.
Канфлікт вакол Дома польскага ў Івянцы працягваецца некалькі месяцаў. Шматлікія спробы прадстаўнікоў беларускай улады прымусіць Тарэсу Собаль і сяброў арганізацыі перайсці ў праўладны Саюз палякаў, якім кіруе Станіслаў Сямашка, не прынеслі поспехаў. Цяпер стала вядома, што праваахоўныя органы завялі на актывістку паланійнай арганізацыі крымінальную справу.
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары