Работніка БМЗ, якога абяцалі адпусціць пасля затрымання, пачынаюць судзіць па крымінальным артыкуле
Дзмітрыя Шчэрбіна, які працаваў на Беларускім металургічным заводзе ў Жлобіне і быў жорстка затрыманы сілавікамі, 16 лютага пачнуць судзіць па артыкуле 130 КК «Распальванне расавай, нацыянальнай, рэлігійнай або іншай сацыяльнай варожасці». Максімальнае пакаранне па гэтым артыкуле — да пяці гадоў пазбаўлення волі, заўважыў «Флашток».
Дзмітрыя схапілі ў кастрычніку 2023 года, апублікаваўшы відэадопыт з яго ўдзелам. Ананімны тэлеграм-канал, які кантралюе КДБ, абвінаваціў яго ва ўдзеле ў завадскіх пратэстах у 2020 годзе. Пры гэтым паведамлялася, што Зміцера не будуць працягваць пераследваць:
«Пасля адкрытай гутаркі з супрацоўнікамі праваахоўных органаў і дакладнай ацэнкі сваіх дзеянняў ён можа спакойна жыць і працаваць. Так што міліцыя выкарыстоўвае не толькі сілавыя метады, але і размовы па душах. Палку ніхто не перагінае».
Але пасля затрымання Зміцер амаль месяц так і не выходзіў у сацсеткі. Верагодна, яго адпраўлялі «на суткі». А зараз стала ясна, што распачалі яшчэ і крымінальную справу за каментары ў інтэрнэце — увесь гэты час мужчына знаходзіцца ў зняволенні.
Па інфармацыі рэсурса Dissidentby, мужчыне 29 гадоў, у яго трое дзяцей. Працэс над ім будзе весці суддзя Вадзім Бабыроў.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
А што ж аўтар кдбшнага канала баіцца назваць сваё прозвішча?
Не ўпэўнены, што ўлада Лукашэнкі будзе трымацца вечна? Баіцца, што пасля змены ўлады будзе пакараны за сваю службу на карную структуру лукашызму?