Экс-палітвязень Жамчужны, які агулам адседзеў 11 гадоў, выехаў з Беларусі
Пра тое, што былы палітвязень Міхаіл Жамчужны ўжо пэўны час знаходзіцца за мяжой, стала вядома з анонсу ягонай сустрэчы-дыскусіі ў Вільні, распаўсюджанага тэлеграм-каналам dapamoga.
Міхаіл Жамчужны — былы палітвязень, чалавек, які правёў за кратамі больш за 11 год, грамадскі актывіст, праваабаронца, заснавальнік «Платформ інавэйшн», навуковец, дацэнт, кандыдат тэхнічных навук, аўтар некалькіх навуковых манаграфій і распрацовак.
Ён быў асуджаны ў 2015 годзе да 6,5 гадоў калоніі за падбухторванне да наўмыснага выдавання звестак, якія складаюць службовую тайну, незаконнае набыццё сродкаў для сакрэтнага атрымання інфармацыі, а таксама дачу хабару. Прычыны гэтага зняволення былі прызнаныя палітычнымі. Доўгі час, аж да 2020 года, ён лічыўся адзіным палітвязнем у Беларусі.
Міхаіл выйшаў на волю 19 лютага 2021 года, адбыўшы ўвесь тэрмін.
Да Міхаіла Жамчужнага прыйшлі падчас маштабнага хапуну, зладжанага сілавікамі супраць былых палітвязняў і іх сваякоў 23-24 студзеня. 25 студзеня стала вядома, што ён затрыманы, пасля таго ніякай інфармацыі ў публічнай сферы пра яго не з'яўлялася.
Экс-палітвязню Міхаілу Жамчужнаму хацелі ўзмацніць рэжым прэвентыўнага нагляду, але суд адмовіў
«Менск шукае арганізатараў і фінансістаў пратэстаў». Былога палітвязня Міхаіла Жамчужнага адпусцілі пасля допыту
Сэкс-оргія зэкаў, $100 міліцыянту за інфармацыю і 520 сутак у ШІЗА — гутарка з палітвязнем Міхаілам Жамчужным пасля вызвалення
Палітвязень Міхаіл Жамчужны выйшаў на волю пасля 6,5 гадоў у калоніі
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары