Прыблізна 1500-гадовы залаты пярсцёнак эпохі каралёў з дынастыі Меравінгаў, які адносіцца да раней невядомага княства, знойдзена ў Даніі, паведамляе выданне Аrkeonews. Ашаламляльнае адкрыццё зрабіў металашукальнік-аматар Ларс Нільсэн у невялікай вёсачцы непадалёк ад паўднёва-заходняй мяжы Даніі з Германіяй.
Адзначаецца, што знаходка была зроблена яшчэ ў 2020 годзе, але да нядаўняга часу гэты факт трымалі ў таямніцы, каб спецыялісты маглі бесперашкодна правесці комплекснае даследаванне.
Пярсцёнак, зроблены з золата з 22-каратным каменем, упрыгожаны авальным кабашонам — альмандынавым гранатам, каштоўным чырвоным напаўкаштоўным каменем, які сімвалізаваў у германскіх народаў уладу.
Знаходка датуецца 500-600 гадамі нашай эры.
Арыентуючыся на канструкцыю пярсцёнка, гісторыкі мяркуюць, што ювелірны выраб быў звязаны з Меравінгамі — каралеўскай дынастыяй, якая кіравала франкамі. Дызайн залатога пярсцёнка з чатырма спіралямі на ніжнім баку і выступамі-трыліснікамі на месцы злучэння пярсцёнка з безелем дэманструе найвышэйшую якасць франкскага майстэрства, што сведчыць пра элітнасць яго ўладальніка.
Эксперты Нацыянальнага музея Даніі лічаць, што гэтая знаходка сведчыць пра існаванне княства на паўднёвым захадзе Ютландыі, якое было звязана з Франкскай дзяржавай. Імперыя франкаў у той час ахоплівала значную частку сучаснай Еўропы, уключаючы большую частку Бельгіі, Францыі і Германіі.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары