Дональд Трамп перамагае на праймерыз у Паўднёвай Караліне, абышоўшы былую прадстаўніцу ў ААН і сваю канкурэнтку ад рэспубліканцаў Нікі Хэйлі ў яе родным штаце. Яго адзіная суперніца — экс-губернатар штата Паўднёвая Караліна Хэйлі заявіла, што не збіраецца здавацца, піша «Голас Амерыкі».
77-гадовы Трамп перамог 52-гадовую Хэйлі, нягледзячы на цэлы шэраг крымінальных абвінавачванняў супраць яго і нягледзячы на тое, што Хэйлі зʼяўляецца ўраджэнкай Паўднёвай Караліны, якая прапрацавала два тэрміны на губернатарскай пасадзе.
Такі вынік узмоцніць заклікі саюзнікаў Трампа да таго, каб Хэйлі, апошні супернік Трампа, які застаўся, выйшла з рэспубліканскай гонкі. На дадзены момант Трамп дамінаваў ва ўсіх пяці партыйных спаборніцтвах: у Аёве, Нью-Гэмпшыры, Невадзе, на Віргінскіх выспах ЗША і зараз у родным штаце Хэйлі, што пакідае ёй вельмі мала шанцаў на вылучэнне ад Рэспубліканскай партыі.
Хэйлі, якая працавала паслом у ААН пры прэзідэнце Трампе, яшчэ раз заявіла ў суботу ўвечары, што яна правядзе перадвыбарчую кампанію як мінімум да «супераўторка» 5 сакавіка, калі рэспубліканцы ў 15 штатах і на адной тэрыторыі ЗША будуць галасаваць на праймерыз.
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары
Трамп абыграе недарэку Байдэна.