Прапагандыст Прыдыбайла прызнаўся, што баіцца сыходу Пуціна і Лукашэнкі
Супрацоўніка Russia Today запрасілі ў студыю «Клуба рэдактараў», дзе той падзяліўся страхамі наконт уласнай будучыні.
«Шчыра прызнаюся, што ў мяне ёсць унутраны такі страх, што сапраўды і Уладзімір Пуцін, і Аляксандр Лукашэнка, усе мы смяротныя, усе мы не вечныя. А што далей?» — сказаў Канстанцін Прыдыбайла.
Далей прапагандыст развіў тэму, расказаўшы пра важнасць мясцова-парламенцкіх і прэзідэнцкіх выбараў у дзвюх краінах і зрабіўшы выснову, што «ў нас ёсць дзесяць гадоў і другога шансу пражыць гэта жыццё не будзе». Пад «намі», падобна, Прыдыбайла меў на ўвазе сваіх калег ад прапаганды.
У канцы Прыдыбайла расказаў пра свае дзіцячыя ўражанні ад пераезду ў Беларусь, дзе шмат чаго захавалі ад СССР, і заявіў, што хоча жыць у міры і спакоі, раскрытыкаваўшы палітычных апанентаў Лукашэнкі.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары