Чыноўнік расказаў пра папулярнасць у Беларусі «Дзікага палявання»
Генеральны дырэктар прадпрыемства «Белкніга» Уладзімір Матусевіч на прэс-канферэнцыі ў Мінску 11 сакавіка паведаміў, які беларускі твор найбольш прадаецца ў кнігарнях гэтай сеткі ў апошнія гады.
![](http://nnexpictures.fra1.digitaloceanspaces.com/img/w732d4webp1/photos/z_2024_03/scale_1200-3-vunt2.jpeg.webp)
Кадр з фільма «Дзікае паляванне караля Стаха» («Беларусьфільм», 1979 год)
«З літаратуры на беларускай мове (мы не бярэм вучэбную і вучэбна-метадычную, зразумела, што ў яе больш высокія наклады) кнігі Уладзіміра Караткевіча, і яго твор «Дзікае паляванне караля Стаха». Гэта самая прадаваная кніга на працягу двух апошніх гадоў», — сказаў Матусевіч.
Паводле ягоных слоў, кніга вытрымала некалькі перавыданняў.
Каментары