Шайгу паведаміў пра грандыёзныя планы, якія немагчыма рэалізаваць без маштабнай мабілізацыі
20 сакавіка на калегіі расійскага Мінабароны міністр Сяргей Шайгу заявіў пра планы па фармаванні да канца года «дзвюх агульнавайсковых армій і 30 злучэнняў, з іх 14 дывізій і 16 брыгад». Але такія планы немагчыма рэалізаваць без масавай мабілізацыі, сцвярджае ў каментары выданню «Агентство» вайсковы эксперт Юрый Фёдараў. Бо пры стандартнай колькасці злучэнняў дадаткова набраць у войска прыйдзецца больш за 200 тысяч чалавек.
У цяперашнім расійскім войску проста няма неабходнай колькасці людзей для фармавання гэтых злучэнняў, падкрэслівае Фёдараў.
«Мотастралковая дывізія поўнага складу — гэта тры палкі па 2-2,5 тысячы чалавек, плюс танкавы полк, плюс маса ўсяго іншага, напрыклад, артылерыйскі дывізіён або артылерыйскі полк. Увогуле, гэта дзесьці каля 10 тысяч чалавек. Мотастралковая брыгада — гэта 4,5 тысячы чалавек. З гэтых дывізій і брыгад можна сканструяваць дзве арміі. А людзей для гэтага няма, за выключэннем таго выпадку, калі Расія абвесціць мабілізацыю», — сказаў эксперт.
Паводле яго падлікаў, для фармавання дзвюх армій спатрэбіцца набраць больш за 200 тысяч чалавек.
Рэалізацыю плана Мінабароны абцяжарыць і адсутнасць афіцэраў, мяркуе Фёдараў.
«Правёўшы мабілізацыю, Мінабароны атрымае ненавучаны натоўп у 200-250 тысяч чалавек. На кожных 10 шарагоўцаў патрэбен афіцэр. Афіцэраў так проста прызваць немагчыма. На іх навучанне патрабуецца шмат часу. Адкуль іх будуць браць і як рыхтаваць, ніхто не ведае», — сказаў эксперт.
Агучаныя Шайгу планы павышаюць рызыку таго, што дадатковы набор мабілізаваных пачнецца летам ці восенню, сказаў «Агентству» кіраўнік антываеннага праекта «Ідзіце лесам» Рыгор Свярдлін.
«Яшчэ да гэтай заявы мы з калегамі прагназавалі, што пасля выбараў, але да канца года, мабілізацыю актывізуюць. Паводле нашых ацэнак, яна наўрад ці будзе такой жа актыўнай, як увосень 2022 года, але думаю, што 100-150 тысяч чалавек Мінабароны паспрабуе мабілізаваць. Кантрактнікаў, відавочна, не хапае, таму падпісваць кантракты тэрміновай службы прымушаюць з першага ж дня службы, але для папаўнення войска тых, хто падпісвае кантракт, недастаткова», — мяркуе Свярдлін.
Тое, што пасля выбараў Расія можа пачаць новы наступ ва Украіне, дапускаюць таксама ўкраінскія ўлады і НАТА. І яны таксама мяркуюць, што для гэтага спатрэбіцца больш актыўная мабілізацыя.
Цяпер чытаюць
«Я не прадугледзела толькі аднаго: што менавіта гэты кружочак выкарыстаюць супраць мяне». Споведзь Аліны Харысавай пасля скандалу з КДБ23
Каментары