Падчас перамоў у Эр-Рыядзе дэлегацыя ЗША дамовілася з прадстаўнікамі Украіны і Расіі спыніць атакі на камерцыйныя судны ў Чорным моры, вынікае з паведамленняў Белага дома.
«Злучаныя Штаты і Украіна дамовіліся забяспечыць бяспечнае суднаходства, выключыць прымяненне сілы і прадухіліць выкарыстанне камерцыйных судоў у ваенных мэтах у Чорным моры», — сказана ў заяве Белага дома.
Такую ж дамоўленасць заключылі і падчас перамоў з расійскім бокам.
Па словах Уладзіміра Зяленскага, дамоўленасць можа пачаць дзейнічаць з 25 сакавіка. Згодна з заявай з расійскага боку, «рэжым цішыні» ў Чорным моры пачне дзейнічаць пасля адмены санкцый супраць «Россельхозбанка» і іншых, што забяспечваюць гандаль.
Забарона на ўдары па аб'ектах энергетыкі, па паведамленні Крамля, дзейнічае 30 дзён і адлічваецца з 18 сакавіка.
Міністр абароны Украіны Рустэм Умераў дадаткова падкрэсліў, перасоўванне Расіяй сваіх ваенных судоў за межы ўсходняй часткі Чорнага мора будзе лічыцца парушэннем гэтай дамоўленасці і будзе разглядацца як парушэнне абавязацельстваў забяспечыць свабоду суднаходства ў Чорным моры і пагрозу нацыянальнай бяспекі Украіны.
«У такім выпадку, Украіна будзе мець поўнае права рэалізоўваць права на самаабарону», — напісаў ён.
Таксама дэлегацыя ЗША асобна з Украінай і Расіяй дамовілася распрацаваць меры для ўзаемнага спынення нападаў па энергетычных аб'ектах Расіі і Украіны.
У Белым доме адзначылі, што дапамогуць аднавіць доступ Расіі да сусветнага рынку экспарту сельскагаспадарчай прадукцыі і ўгнаенняў, знізіць выдаткі на марское страхаванне і пашырыць доступ да партоў і плацежных сістэм для такіх аперацый.
Папярэдні раўнд перамоў паміж дэлегацыямі Украіны і ЗША прайшоў 11 сакавіка ў Джыдзе. Па яго выніках Украіна пагадзілася на неадкладнае часовае перамір'е — за гэта Вашынгтон вырашыў аднавіць дапамогу і абмен звесткамі выведкі.
Уладзімір Зяленскі заявіў, што спыненне агню на 30 дзён запрацуе для ўсёй лініі фронту, калі на гэта пагодзіцца Расія.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс20
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі1717
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі17
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары