Беларус згубіў у Камеруне польскі дазвол на жыхарства і не можа вярнуцца дадому
Беларус Павел Вілтоўскі жыве ў Польшчы і працуе фатографам. Нядаўна мужчына паехаў па працу ў Камерун, але згубіў там польскі ДНЖ і таму не можа вярнуцца ў Еўропу.
Вілтоўскі — палітычны ўцякач, у жніўні 2020-га ён апынуўся на Акрэсціна. Пазней з’ехаў у Польшчу і ўладкаваўся ў Познані.
На днях у сацсетках аднаго з познаньскіх бараў з’явілася просьба дапамагчы Паўлу. Паводле яе, беларус паехаў на працу ў Камерун, але там згубіў картку польскага ДНЖ і без яе не можа трапіць назад у Польшчу. Сітуацыю ўскладняе тое, што камерунскія вуліцы — не самае бяспечнае месца для еўрапейцаў.
Як пішуць сябры Паўла, польскае консульства адмовілася яму дапамагчы. Беларусу далі на выбар два варыянты — пайсці ў беларускае пасольства ці застацца ў Камеруне назаўсёды.
Цяпер сябры хлопца збіраюць грошы, каб Вілтоўскі змог набыць квіток у Грузію. Там ён збіраецца знайсці часовы прытулак і атрымаць юрыдычную дапамогу, а таксама заняцца аднаўленнем дакументаў.
«Наша Нiва» — бастыён беларушчыны
ПАДТРЫМАЦЬЧытайце таксама:
Беларусы пераехалі ў Эквадор — як ім там жывецца? ШМАТ ФОТА
Былы трэнер брэсцкага «Дынама» прызнаўся, што траціць у Маскве да 500 еўра за месяц
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65
Каментары