Запрацаваў каталог беларускага ютуба, у якім можна адшукаць усё
Хочацца паглядзець нешта беларускае, але не ведаеце, што? Цяпер ёсць адмысловы сайт Brama, які ў гэтым дапаможа.
Рэсурс brama.online — гэта каталог відэа, створаных беларусамі, падзелены на катэгорыі. Сайт запусцілі 1 красавіка.
Стваральнікі сайта тлумачаць, што, нягледзячы на існаванне алгарытмаў ютуба, знайсці на ім цікавае відэа можа быць цяжка. Алгарытмы прасоўваюць такія відэа, якія з большай верагоднасцю спадабаюцца шырокаму колу людзей. Таму яны могуць параіць гледачу ролікі, папулярныя ў суседніх краінах ці ў людзей з іншымі густамі, і абмінуць увагай насамрэч цікавы гэтаму чалавеку кантэнт.
Brama дазваляе выбраць цікавае відэа з 17 катэгорый, у тым ліку з запатрабаваных катэгорый «дзеткам», «стасункі», «гісторыя», «грамадства», «блогеры». На сайце асобна адзначаныя новыя каналы, у тым ліку і нішавыя, накшталт англамоўнага канала экалагічнага інстытута Сахарава ў Мінску ці канала беларускага акардэаніста і кампазітара Аляксандра Ясінскага, які жыве ў Чэхіі.
Таксама на сайце выдзяляюць каналы, якія цяпер набіраюць папулярнасць, найбольш папулярныя каналы і тыя, якія знаходзяцца ў трэндзе. Таксама адзначаныя свежыя відэа і ролікі, папулярныя па выніках тыдня.
«Наша Нiва» — бастыён беларушчыны
ПАДТРЫМАЦЬЧытайце таксама:
Беларускі святар адказаў на пытанне, ці можна пахрысціць ката
Беларус згубіў у Камеруне польскі дазвол на жыхарства і не можа вярнуцца дахаты
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі32
Каментары