«Усёй Беларуссю скідваліся на рэкламу»: Ксенія Сабчак рэкламуе беларускі гель для броваў коштам 6 рублёў
Ксенія Сабчак шакіравала падпісчыц у інстаграме рэкламай таннай беларускай касметыкі.
Вядомая журналістка і тэлевядучая апублікавала цікавы рылс. У ім яна паказвае туш для павек Luxvisage XXL і гель для броваў таго ж брэнду. Подпіс на відэа такі: «Новая касметыка не зробіць цябе шчаслівай» — потым пад сучасны рэмікс песні Pedro пачынае танчыць янот: «Я, калі набыла касметыку ад Luxvisage».
— Калі вы не прытанцоўваеце ад любімай касметыкі, то я нават не ведаю… Заснавана на рэальных падзеях. Я і мае фаварыты, — удакладніла Сабчак.
Дарэчы, туш для павек Luxvisage XXL каштуе каля 11-12 беларускіх рублёў, а гель для броваў 6-7 рублёў. Рэклама выклікала хвалю іроніі і сарказму ў каментарыях: «Ксенія не есць мяса танней за 14 тысяч расійскіх рублёў, затое карыстаецца тушшу за 300 рублёў», «Што ж дыёр не заплаціў, відаць, грошай не хапіла», «Гэта таксама з шопінгу ў Дубаі?».
Нехта шчыра абурыўся: «Калі ласка, не трэба рэкламаваць Luxvisage! Зараз кошт вырасце!».
Падпісчыц з Беларусі найбольш хвалюе той факт, дзе супербюджэтны беларускі брэнд знайшоў грошы на рэкламу ў Сабчак. Хтосьці выказаў здагадку, што маркетолагам Luxvisage прыйшлося прадаць душу д'яблу. А адна дзяўчына пажартавала: «Усёй Беларуссю скідаліся вам на рэкламу».
Колькі зараз бярэ за рэкламу ў інстаграме Сабчак, невядома. Але ў 2019 годзе падпісчыцы задавалі ёй гэтае пытанне. Тая адказала: «Ад 500 тысяч да 1 мільёна расійскіх рублёў у залежнасці ад катэгорыі тавару». Па курсе 2019 года гэта прыкладна ад $7700 да $15500.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці40
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары
Из заграничных товаров в магазинах эрэфии ширпотреб из Казахстана, Ирана и Китая.
Товары из Беларуси можно купить в элитных бутиках и по предварительной записи.