Раней рэйтынгавае агенцтва прысвоіла эмітэнту высокі рэйтынг бізнэс-рэпутацыі — на ўзроўні AA.
Брокерскі дом «Атлант-М», які ўваходзіць у холдынг буйнога аўтамабільнага дылера, выпусціў токены на $1 млн з прыбытковасцю 6% гадавых у валюце. Раней рэйтынгавае агенцтва BIK Ratings прысвоіла эмітэнту высокі рэйтынг бізнэс-рэпутацыі — на ўзроўні AA, паведамляе Finstore.
На долю холдынгу «Атлант-М» у Беларусі прыпадае каля 25% продажаў новых аўтамабіляў. У партфелі кампаніі — 17 аўтабрэндаў. Яна валодае аўтацэнтрамі і сэрвіснымі станцыямі агульнай плошчай больш за 39 тыс. кв. м.
Актывы эмітэнта, па даных Finstore, на 31 снежня 2023 года складалі 85,3 млн рублёў, уласны капітал — 55,2 млн, выручка да выплаты падаткаў па выніках мінулага года — 17,4 млн, чысты прыбытак — 2,9 млн рублёў.
Паведамляецца, што інвестыцыі плануецца накіраваць на рэфінансаванне банкаўскіх крэдытаў, каб зрабіць таннейшым выкарыстоўваны пазыковых капітал. Выпуск токенаў разлічаны на тры гады з штомесячнай выплатай працэнтаў і афертай 15% у паўгоддзе.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра4
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары