У Расіі пракаментавалі заяву КДБ наконт літоўскай атакі баявымі дронамі па Мінску
У Расіі не засталася незаўважанай заява кіраўніка КДБ Івана Церцеля пра тое, што беларускія спецслужбы нібыта перадухілілі «напады баявых дронаў з тэрыторыі Літвы на абʼекты ў Мінску і прыгарадах». Там паабяцалі ўступіцца за Беларусь, але пры ўмове, што беларускія чэкісты не хлусяць.
Дэпутат Дзярждумы РФ Канстанцін Затулін, відаць, не моцна паверыў Церцелю, бо ў гутарцы з выданнем «Говорит Москва» адразу адзначыў, што расійскім уладам «неабходна кансультацыя для ўдакладнення дэталяў інцыдэнту».
«Інфармацыя мае патрэбу ў тлумачэннях як з беларускага, так і з літоўскага боку. Не да канца зразумела, што здарылася з гэтымі дронамі, ці былі яны збітыя, ці знаходзяцца яны на тэрыторыі Беларусі. Ці можа Беларусь у выпадку неабходнасці прадэманстраваць іх рэшткі? Самае галоўнае — ці былі пры гэтым страты нейкія нанесены Беларусі. Ад гэтага будуць залежаць канчатковыя рашэнні«, — сказаў Затулін.
Пры гэтым ён дадаў, што Расія за Беларусь «вядома, заступіцца».
«Калі гаворка ідзе аб пагрозе для Беларусі, мы яе ўспрымаем як пагрозу Расійскай Федэрацыі», — сказаў ён.
Сёння старшыня КДБ Іван Церцель, выступаючы на УНС, заявіў, што КДБ перадухіліў удары літоўскіх баявых беспілотнікаў па Мінску. А таксама, паводле яго слоў, планаваліся тэракты ў Ашмянскім, Смаргонскім і Браслаўскім раёнах. У Літве заяву Церцеля назвалі трызненнем.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары