Паліцыянты ў Нідэрландах. Фота: pixabay
Як паведамляе нідэрландскае агенцтва RTV Oost, у горадзе Дэвентэр паліцыя затрымала мужчыну з Беларусі, які параніў нажом аднаго мясцовага жыхара і двух замежнікаў падчас бойкі.
Паводле агенцтва, у суботу ўвечары 15 чэрвеня ў паліцыю паступіла паведамленне аб панажоўшчыне ў адной транспартнай кампаніі Дэвентэра. Прыбыўшы на месца, паліцыянты знайшлі трох чалавек з лёгкімі раненнямі. Гэта былі 43-гадовы мужчына з Дэвентэра і двое іншаземцаў (38 і 46 гадоў).
Падазраваны ў злачынстве да моманту прыбыцця паліцыі ўжо ўцёк з месца здарэння. Пазней увечары ён усё ж быў затрыманы і змешчаны пад варту. Ім аказаўся 44-гадовы мужчына з Беларусі, чые матывы цяпер высвятляе следства.
Асноўная версія здарэння — гэта сварка, якая папярэднічала бойцы. Ужо былі апытаныя сведкі і прагледжаныя запісы камер відэаназірання, паведамляе паліцыя.
Чытайце таксама:
У Празе іншаземца падазраюць у спробе тэракту на замову Расіі
Супрацоўнікі растоўскага СІЗА-1, якіх утрымлівалі ў закладніках, вызваленыя. Зняволеныя — забітыя
Былы прэм'ер Нідэрландаў і ягоная жонка пайшлі з жыцця ў адзін дзень. Яны пагадзіліся на эўтаназію
