Ілюстрацыйнае фота.
Пад Гроднам на 7-гадовым хлопчыку загарэлася адзенне, паведамляе прэс-служба МНС. Аб шпіталізацыі дзіцяці паведаміў ратавальнікам 15 чэрвеня ў 22:35 урач хуткай медыцынскай дапамогі.
Па словах жыхаркі Гродна, разам з сынам яны прыехалі на выходныя да бабулі за горад. Жанчына распаліла мангал, а сама займалася гаспадарчымі справамі. Хлопчык гуляў у двары. Пакуль мама была занятая, ён знайшоў пластыкавую бутэльку з невядомай вадкасцю і кінуў яе ў мангал. Адбылася ўспышка, з-за якой на ім загарэлася майка.
Пачуўшы крык сына, маці выявіла, што на ім гарыць адзенне. Пры дапамозе падручных сродкаў яна патушыла яго і выклікала хуткую. У цяжкім стане з тэрмічнымі апёкамі дзіця шпіталізавалі ў рэанімацыйнае аддзяленне дзіцячай абласной клінічнай бальніцы ў Гродне.
Чытайце таксама:
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)