«Лабараторыі Касперскага» цалкам забаранілі працаваць на амерыканскім рынку
Дзяржустановам у ЗША забаранілі карыстацца прадуктамі «Лабараторыі Касперскага» яшчэ ў 2017 годзе. Зараз уводзіцца поўная забарона.
Улады ЗША з 29 верасня цалкам забаранілі продаж і выкарыстанне на тэрыторыі краіны праграмных прадуктаў «Лабараторыі Касперскага». Пра гэта са спасылкай на звесткі Мінгандлю ЗША паведамляе Reuters.
Дзяржустановам у ЗША забаранілі карыстацца прадуктамі «Лабараторыі Касперскага» яшчэ ў 2017 годзе. Цяпер уводзіцца поўная забарона, якая звязаная з абвінавачваннямі ў адрас кампаніі ў супрацоўніцтве з расійскімі вайскоўцамі і разведкай.
Паведамляецца, што забарона на новыя бізнэс-кампаніі (гэта значыць новыя продажы) уводзіцца ўжо праз 30 дзён пасля абвяшчэння аб санкцыях. А праз 100 дзён будзе забароненая ўся дзейнасць, уключаючы падтрымку кліентаў і запампоўку абнаўленняў.
У «Лабараторыі Касперскага» ўжо заявілі, што гэта рашэнне прывядзе да ўзмацнення кіберзлачыннасці ў ЗША і ў свеце ў цэлым.
Каментары