Застрэлены ў Кіеве палкоўнік СБУ кіраваў групай, якая ліквідавала «Матаролу»
Выданне The New York Times, спасылаючыся на былога калегу загінулага піша, што Іван Вароніч пасля ўступлення ў СБУ ў сярэдзіне 1990-х гадоў камандаваў падраздзяленнем спецыяльных аперацый.
Падраздзяленне, якім кіраваў Вароніч, атрымлівала тэхнічную падтрымку ад ЦРУ і арганізавала ліквідацыю вядомага баевіка Арсенія Паўлава пад мянушкай «Матарола» ў акупаваным Данецку.
Са слоў калегаў, пасля поўнамаштабнага ўварвання Вароніч быў часткай элітнага падраздзялення, адказнага за дзеянні ў «шэрай зоне». Яно адыграла ключавую ролю ў нечаканым наступленні на расійскую Курскую вобласць мінулым летам.
Былы кіраўнік СБУ Іван Баканаў, які быў асабіста знаёмы з забітым палкоўнікам, заявіў, што той браў вельмі актыўны ўдзел у супрацьдзеянні расійскай агрэсіі з 2014 года:
«Калі матывам з'яўляецца забойства на бытавой глебе — гэта адно. Але гэта можа быць публічнае пакаранне, праведзенае расіянамі, а гэта ўжо зусім іншая гісторыя, якая запатрабуе ад СБУ комплексу неадкладных захадаў».
Івана Вароніча забілі ў Кіеве раніцай 10 ліпеня. У раёне 9:00 невядомы падбег да 50-гадовага Івана Вароніча на вуліцы і пяць разоў стрэліў з пісталета з глушыцелем. Пасля чаго ўцёк. Палкоўнік атрымаў цяжкія раненні і памёр на месцы
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі37
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары