Раптоўна пайшла з жыцця сябра Нацыянальнага камітэта Аб'яднанай грамадзянскай партыі Ірына Яскевіч, паведамілі ў сацсетках яе аднапартыйцы. Ёй было 62 гады.
Ірына Яскевіч нарадзілася 17 студзеня 1963 года ў Старых Дарогах. Скончыла Мінскі тэхналагічны каледж па спецыяльнасці «дызайнер жаночага адзення».
З 1996 года яна была прадпрымальніцай, актыўна займалася грамадскай дзейнасцю, абараняючы правы малога бізнэсу. Ірына ўдзельнічала і ініцыявала больш за 12 забастовак не толькі ў горадзе Віцебску, але і ў Мінску, адна з якіх доўжылася каля 3 месяцаў.
У 1998 годзе стала старшынёй Рады прадпрымальнікаў на малым віцебскім рынку «Паўднёвы». У 2008 годзе была абраная старшынёй Рады прадпрымальнікаў аднаго з найбуйнейшых гандлёвых цэнтраў Віцебска «Эвіком».
У 2005 годзе заснавала Беларускі незалежны прафсаюз «Разам», упарта дабіваючыся яго рэгістрацыі. У 2017 годзе зарэгістравала Цэнтр падтрымкі прадпрымальніцтва.
Ірына Яскевіч была шматгадовай кіраўніцай Віцебскай гарадской арганізацыі АГП. Неаднаразова балатавалася ад партыі на выбарах у мясцовыя саветы розных узроўняў, а таксама ў Палату прадстаўнікоў.
На выбарах у Палату прадстаўнікоў 2016 года «Наша Ніва» ўключала Ірыну Яскевіч ў топ-7 самых яркіх рэгіянальных кандыдатаў, прадстаўляючы жанчыну так:
«Адна з самых смелых прадпрымальніц краіны. Яскевіч не з тых, хто адседжваецца і чакае, а заўсёды рашуча дзейнічае. Яе ведаюць улады не толькі ў родным Віцебску, але і Мінску. Яскевіч актыўна спрабуе дагрукацца да людзей, хоць і прызнае, што большасць ставіцца да выбараў абсалютна абыякава».
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?8
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
После того как в середине первой декады текущего столетия вся ОГП Витебска дружно двинули в эмиграцию в Бельгию.