Трамп пахваліў прэзідэнта Ліберыі за англійскую, але там гэта мова афіцыйная
Падчас сустрэчы з лідарамі афрыканскіх краін прэзідэнт ЗША пахваліў прэзідэнта Ліберыі Джозэфа Баакая за «добрую англійскую мову» і спытаў яго, дзе ён навучыўся так добра на ёй размаўляць, піша Бі-бі-сі.
«Такая добрая англійская мова, — з прыкметным здзіўленнем сказаў Трамп. — Такая прыгожая англійская мова».
«Дзе вы навучыліся размаўляць так прыгожа? Дзе вы атрымалі адукацыю? Дзе? У Ліберыі? — працягваў прэзідэнт ЗША. — Вельмі цікава. Гэта цудоўная англійская мова. У мяне за гэтым сталом сядзяць людзі, якія і блізка не могуць так добра гаварыць».
Дональд Трамп мог не ведаць, што ў Ліберыі з ЗША асаблівыя сувязі і адносіны, гісторыя якіх цягнецца з часоў заснавання гэтай краіны ў Заходняй Афрыцы.
Англійская — афіцыйная мова ў Ліберыі, і многія жыхары краіны размаўляюць на ёй з амерыканскім акцэнтам — даюць пра сябе ведаць гістарычныя сувязі з ЗША.
Магчыма, увагу Трампа прыцягнуў менавіта акцэнт прэзідэнта Ліберыі.
Каментары