Сёння ў Парыжы адкрываецца Алімпіяда. Ад Беларусі ўдзельнічае мінімальная колькасць спартоўцаў
Сёння вечарам (20:30) у Парыжы пройдзе цырымонія адкрыцця Летніх алімпійскіх гульняў. Першыя медалі будуць разыграныя ўжо ў суботу.
Ад Беларусі ўдзельнічае мінімальная колькасць спартоўцаў — 17 чалавек. Гэта атрымалася ў выніку санкцый, накладзеных пасля нападу Расіі на Украіну з выкарыстаннем беларускай тэрыторыі.
У Парыж змаглі паехаць толькі тыя, хто не падтрымаў вайну ва Украіне, а таксама не належыць да сілавых структур (ахілесава пятка для беларускага спорту, дзе яшчэ з савецкага часу спартоўцы часам фармальна прыпісаныя да такіх ведамстваў)
Таксама некаторыя беларускія спартоўцы не паспелі паўдзельнічаць у кваліфікацыйных спаборніцтвах, каб атрымаць пуцёўкі на Гульні, а некаторыя спартыўныя федэрацыі проста наклалі бан на іх удзел.
Беларусы, як і расіяне, будуць выступаць у нейтральным без пазначэння краіны статусе, а таксама ў выпадку перамогі без выканання гімна.
Такім чынам спартоўцаў едзе ўсяго 17 чалавек.
Барацьба грэка-рымская
1. Абубакар Хаслаханаў
Барацьба вольная
2. Магамедхабіб Кадзімагамедаў
Веласпорт
3. Ганна Церах
Веславанне акадэмічнае
4. Яўген Залаты
5. Таццяна Клімовіч
Веславанне на байдарках і каноэ
6. Уладзіслаў Кравец
7. Юлія Трушкіна
Плаванне
8. Ілля Шымановіч
9. Анастасія Шкурдай
10. Аліна Змушко
Скачкі на батуце
11. Віялета Бардзілоўская
12. Іван Літвіновіч
Стральба кулявая
13. Дар'я Чупрыс
14. Аляксандра Пятрова
Таэквандо
15. Георгій Гурцыеў
Цяжкая атлетыка
16. Сюзана Валадзько
17. Яўген Ціханцоў
Папярэдні мінімум быў у Токіа-2021, дзе бралі ўдзел 108 беларускіх атлетаў. Яны заваявалі таксама мінімальную за ўвесь час колькасць медалёў — сем узнагародаў (адно золата, тры сярэбраныя і тры бронзавыя медалі).
На Алімпіядзе ў Рыа-дэ-Жанейра ў 2016 годзе ўдзельнічалі 124 беларускія спартоўцы, якія прывезлі дзевяць узнагародаў (1+4+4).
Сёлета аўтарытэтны спартовы часопіс Sport Illustrated прагназуе, што беларусы заваююць два медалі: золата возьме таэквандыст Георгій Гурцыеў, а срэбра батутыст Іван Літвіновіч, які ў Токіа стаў алімпійскім чэмпіёнам.
Расійскіх спартоўцаў у нейтральным статусе едзе наогул 15 чалавек, і Sport Illustrated піша, што медалёў Расія не возьме ўвогуле. У Токіа-2021 у Расіі быў 71 медаль.
Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі
Экс-расіянка павінна несці сцяг Кіпра на адкрыцці Алімпіяды. Але ў яе знайшлі OnlyFans, і пачаўся скандал
Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды
«Падрыхтоўка да Алімпіяды прайшла не так, як планавала». Ціманоўская расказала, з якім настроем едзе ў Парыж
Ізраіль папярэдзіў Францыю аб магчымым тэракце падчас Алімпіяды
Самае позняе рашэнне VAR у гісторыі. Гол Аргенціны на Алімпіядзе адмянілі толькі праз дзве гадзіны
Каментары