Астапеня пра выбары 2025: Людзі хочуць хадзіць на выбарчыя ўчасткі, байкоты не любяць
«Магчымасці для кампаніі ёсць», — перакананы сацыёлаг.
У новым выпуску ютуб-канала «Гадзіннічак цікае» абмяркоўвалі будучыя прэзідэнцкія выбары. На думку сацыёлага Рыгора Астапені, байкот выбараў не ёсць добрай стратэгіяй для дэмакратычных сіл.
«Вы кажаце, што вы палітыкі з гэтай краіны. Там адбываецца прэзідэнцкая выбарчая кампанія. Па сутнасці адзіная кампанія, якая хоць неяк палітызуе грамадства. Вы проста кажаце, што яе ігнаруеце. Чаму ў такім выпадку вы называеце сябе палітыкамі? У чым ваша палітычная дзейнасць? Вы не ўдзельнічаеце ў палітычным жыцці. (…) Ну што-небудзь зрабіце вакол кампаніі. Вы не можаце проста яе ігнараваць».
На погляд Астапені, нават пры закліку да байкоту выбарчыя ўчасткі пустымі не застануцца.
«Тое, што мы бачыў ва ўсіх апытаннях, — людзі, якія нават апазіцыйных поглядаў, хочуць хадзіць на выбарчыя ўчасткі. Масава ніхто не любіць байкоты. Пасля будуць прымушаць — значыць трэба будзе ісці. (…) Ну вось і ўсё: 50 працэнтаў сабралі, 30 дамалявалі. Плюс, гэта люты (дату выбараў афіцыйна пакуль не аб'явілі. — НН), і ні на якую дачу ты не паедзеш», — тлумачыць Астапеня.
Ён дадае, што не адвакатуе за нейкія канкрэтныя дзеянні.
«Але магчымасці для кампаніі ёсць. Тыя ж самыя тыктокі. Там усё абсалютна нармальна. Ютубы — усё нармальна. Сайты рабі колькі хочаш. Тут абмежаванняў для нейкіх кампаній я не бачу. Тое, што цябе не зарэгіструюць кандыдатам, — аб гэтым можна было здагадацца».
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў29
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
Браво!!