Эталонная нафта Brent упала з $80 за барэль на пачатак месяца да $75,6 станам на цяпер, біткойн за няпоўныя суткі праваліўся з $53 тысяч да $47 тысяч. Вінаватыя японцы.
31 ліпеня Банк Японіі павялічыў стаўку крэдытавання з 0,10% да 0,25%. Гэта другое павышэнне і за гэты год, і за ўсе мінулыя 17 гадоў, цягам якіх японскі Цэнтрабанк трымаў адмоўныя стаўкі.
Японская эканоміка, хаця і з'яўляецца адной з самых моцных у свеце, хварэе на спецыфічныя хваробы, сярод якіх нізкія тэмпы росту і высокі ўзровень доўгу.
Суадносіны дзяржаўнага доўгу да ВУП самыя высокія ў свеце — бліжэй да 270%. «Нармальным» жа лічыцца памер доўгу да 60% ад ВУП.
Пры гэтым, структура доўгу цікавая і большая яго частка знаходзіцца ўнутры Японіі: розныя сектары эканомікі павінны адзін аднаму і банкам, а таксама дзяржава сваім інвестарам — грамадзянам Японіі.
Але сусветныя штормы пахіснулі закрэдытаваную, але стабільную японскую сістэму.
Рост цэнаў на энерганосьбіты, прадукты харчавання, транспартныя паслугі і іншае з 2022-га мераецца двузначнымі лічбамі ў працэнтах.
У 2021 годзе ў Японіі была дэфляцыя — цэны падалі, але з вясны 2022-га пачалі расці так хутка (4,3% у асобныя месяцы), як апошні раз было ў 80-х.
У дэвальвацыі ёсць свае плюсы, але не ў гэтым выпадку. Цэны растуць, а эканоміка і заробкі — не.
Павышэннем стаўкі японскі Цэнтрабанк змагаецца з раскручваннем інфляцыі, абмяжоўваючы крэдытаванне.
Што гэта азначае ў моманце? Скептыцызм інвестараў адносна японскіх кампаній, чыя фінансавая мадэль прадугледжвала амаль што бясплатныя грошы. Выжываць і развівацца ім стане цяжэй, прытым што ніхто не гарантуе, што гэта апошняе павышэнне стаўкі.
Сёння ключавы індэкс Такійскай фондавай біржы Nikkei абваліўся на 12,4%. Скептыцызм абваліў цану акцый вядучых японскіх кампаній на двузначную лічбу.
Самы высокі абвал за гісторыю Такійскай біржы справакаваў прасяданні на іншых біржах, у асноўным азіяцкіх.
А паніка інвестараў заўсёды развіваецца па шаблоне: калі адбываюцца абвалы на нейкіх рынках, фонды, не выключаючы абвалаў і на іншых, тэрмінова пазбаўляюцца ад рызыкоўных актываў.
Да іх, у першую чаргу, адносяцца сыравінныя тавары і, асабліва, крыптавалюты.
«Дамоклаў Меч». Канал «Белорусскій сіловік» настолькі прарасійскі, што многія меркавалі, што гэта расіяне яго вядуць. Не, за ім стаіць суперагент Лукашэнкі25
Каментары