Прызначылі дату разгляду апеляцыі Андрэя Гнёта на рашэнне сербскага суда
Беларускаму рэжысёру па-ранейшаму пагражае экстрадыцыя.
Апеляцыйны суд Сербіі разгледзіць скаргу беларускага рэжысёра Андрэя Гнёта на рашэнне аб экстрадыцыі 27 жніўня. Скарга на рашэнне Найвышэйшага суда ў Бялградзе была пададзена 18 чэрвеня, піша Радыё Свабода.
«Праз два месяцы маруднага чакання і цемры апеляцыйны суд Сербіі прызначыў дату слуханняў. Гэта не проста дзень, гэта мой апошні шанец быць пачутым. Лёс усёй маёй будучыні ў адным кроку ад катастрофы, і менавіта зараз мне як ніколі патрэбная вашая падтрымка», — напісаў Гнёт у сацыяльных сетках.
Паводле словаў Гнёта, дзесяць месяцаў арышту, сем з якіх ён правёў у цэнтральнай турме Бялграда, былі бясконцым кашмарам.
Гнёт паведаміў, што слуханне апеляцыі будзе «публічным і адкрытым», і заклікаў прыйсці і падтрымаць яго «ў гэты найважнейшы час».
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я5
Каментары