Беларуска паехала ў папулярны батумскі гатэль — усё ледзь не скончылася кашмарам
Мінчанка Крысціна нядаўна вярнулася з адпачынку ў Грузіі. Разам з сям’ёй беларуска наведала Батумі, дзе спынілася ў папулярным гатэлі, але была моцна расчараваная.
Дзяўчына апублікавала ў тыктоку відэа, дзе расказала, што адпачынак у Батумі ледзь не стаў для яе сям’і кашмарам. І ўсё праз тое, што яны засяліліся ў вядомы гатэль Orbi City.
Звонку ён выглядае прывабна, але ўнутры ёсць шмат праблем, кажа беларуска. Першая праблема, з якой сутыкнулася Крысціна — чарга ў ліфт:
«Мы стаялі ў чэргах па 10-15 хвілін, і гэта не так весела, як можа падацца. Далей: на Booking.com было прыкладна вось такое фота з відам з акна, але насамрэч тут грандыёзная будоўля».
Таксама ў нумары была зламаная сушылка — давялося пакласці яе на бок, каб хоць неяк пасушыць рэчы. Яшчэ адна праблема — у гатэлі не было паркоўкі для пастаяльцаў:
«Мы былі з машынай. Змаглі яе прыпаркаваць толькі за кіламетр [ад гатэля] і цягнулі ўсе нашы сумкі прыкладна кіламетр.
Калідорчыкі, канечне, у Orbi City неблагія, але ў мяне было адчуванне, што мы прыехалі ў звычайны інтэрнат. Дарэчы, у кожным такім пакойчыку ёсць кухонная пліта, таму ў калідоры пахне ежай».
У выніку сям’я вырашыла з’язджаць з Orbi City — там было «шумна, бруднавата, вельмі шмат людзей». Замест гэтага беларусы знялі жыллё ў прыгарадзе Батумі. За тое, што выехалі з Orbi City раней за сканчэнне арэнды, яны сплацілі 20 даляраў штрафу, пры тым што суткі ў іх нумары без сняданкаў каштавалі 50 даляраў.
Ролік дзяўчыны сабраў больш за 430 тысяч праглядаў і больш за тысячу каментароў. Шмат карыстальнікаў адзначаюць, што яны або жылі ў Orbi City, або знаходзяцца там проста цяпер, і ім усё падабаецца — маўляў, і ежай не пахне, і від з акна добры, а ліфт даводзіцца чакаць хвіліну-дзве.
Але хапае і тых, у каго менш пазітыўныя ўражанні:
«Цяпер жывем у Орбі, у нумары ёсць пліта, але няма ні патэльні, ні рондаля. А таксама пралкі і мікрахвалёўкі. Больш не вернемся».
«Мы цяпер у Орбі Сіці, чэргаў у ліфт няма, але ліфт платны. Паркоўкі няма, гэта праўда».
«Падпісваюся пад кожным словам. Жудасны гатэль. Нам не далі картку для ліфта, замест двух ложкаў быў адзін вялікі».
«Былі з сябрамі. Яны спыніліся ў Орбі, я з’ехала адразу ў [вёску] Кварыяці. Праз чатыры дні сябры пераехалі ў Кварыяці, шкадуючы, што патрацілі чатыры дні свайго адпачынку ў Орбі».
«Наша Нiва» — бастыён беларушчыны
ПАДТРЫМАЦЬ«Чалавек збярог для вас паветра!» У тыктоку спрачаюцца, ці можна ляжаць у плацкарце ў абутку
Былы гендырэктар Google заявіў, што «дыстанцыйнікі» — гэта бедства сучасных кампаній. Выбухнуў скандал
Блогерка з Венесуэлы праверыла, ці сапраўды ў Беларусі ідэальна чыста, і прайшлася па вуліцах у белых шкарпэтках
Як склалася жыццё вундэркінда з Жодзіна, які ў 12 гадоў паступіў у медыцынскі ўніверсітэт?5
Каментары